मधुलता मिश्र
पटना । मुख्यमंत्री नीतीश कुमार जी कहला कि राज्य में रोजगार के बढ़ावा देबाक लेल बहुत तरहक योजना बनाओल जा रहल अहि ।राज्य में इथेनॉल उत्पादन के बढ़ावा देबाक हेतु पहिल कार्यक्रम में ही राज्य सरकार द्वारा ,केंद्र सरकार के प्रस्ताव भेजल गेल ।किंतु ओहि समय स्वीकृति नही भेट सकल ।
राज्य में इथेनॉल के उत्पादनक काफी संभावना अहि ,अहि उत्पादन में कुसियारक प्राथमिकता रखवाक प्रयास अहि ,अहि स कुसियारक उद्योग के सेहो बढ़ावा भेटत ।
संगहि मकई स सेहो इथेनॉल के उत्पादनक कार्य हॉयत ।कृषि अवशेष स इथेनॉलक उत्पादन के लेल आंकलन क ओहि पर कार्य करवाक नियार अहि ।सोमदिन मुख्यमंत्री सचिवालय स्थित संबाद सभाकक्ष में उधोगविभाग के समीक्षा केला । ओ कहला की इथेनॉल उत्पादन बिहारक सुझाव अहि ,सीएम खुशी जाहिर करयत कहला जे आब अहि पर कार्य आरंभ अहि ।
बिहार में सूक्ष्म ,लघु अथवा मध्यम उद्योगक बहुत सम्भावना अहि ।ओ कहला जे कुशल श्रमिक के माध्यम स राज्य सरकारक माध्यम स चलाओल जा रहल पोशाक योजना के तहत बच्चा सभक पोशाक बनेनाइ ,पेवर ब्लॉक के निर्माण के बढ़ावा देनाइ एहन बहुत तरहक काजक बढ़ावा देला स लोगक रोजगारक संग आमदनी सेहो बढ़त ।
मुख्यमंत्री जी कहला जे युवा सभक उच्च प्रशिक्षण के ब्यवस्था कयल जयत ,जाहि स ओ नव नव उद्योग आओर व्यवसाय क सकता। राज्य में नव नव उद्योग लगेनिहार के सरकार हर सम्भव मदत उपलब्ध कराओत ।
बैठक में उद्योग विभाग के अपर मुख्य सचिव ब्रजेश मेहरात्रा अपन प्रस्तुतीकरण देला ।अहि में आत्मनिर्भर बिहारक सात निश्चय -2 के अंतर्गत प्रस्तावित योजनाक आओर ओहि कार्यक जानकारी देला ।
क्लस्टरक आधारित योजना के अंतर्गत जिला औद्योगिक नवप्रवर्तन योजना -2020 दोसर राज्य से घुरल मजदूर सब के स्किल मैपिंग ,,क्लस्टर उद्दोग के बेतिया मॉडल के जानकारी देल गेल ।
प्लास्टिक पार्क योजना आ इलेक्ट्रॉनिक विनिर्माण क्लस्टर योजना क सेहो जानकारी देल गेल। राज्य में इथेनॉल उत्पादन के बढ़ावा देबाक लेल कार्ययोजना ,बिहार औद्योगिक निवेश प्रोत्साहन नीति -2016 क अंर्तगत आई तक के उपलब्धि आओर राज्य में ओधोगिकीकरण के गति देबाक सम्बंध में बिस्तार स जानकारी देला ।
बैठक में डिप्टी सीएम रेणु देवी ,मुख्य सचिव दीपक कुमार ,सीएम के प्रधान सचिव चंचल कुमार उद्दोग सचिव नर्मदेश्वर लाल ,सीएम के सचिव मनीष कुमार वर्मा ,सचिव अनुपम कुमार गोपाल सिंह आदि मोजूद छलाह।