दोसरसमाचार
देशमे कोरोना संक्रमितक संख्या 35.46 लाख भ’ गेल अछि। चारि दिन स’ 75 हजार स’ बेसी केस आबि रहल अछि. देशमे पहिल बेर एक दिनमे साढे़ 10 लाख स’ बेसी टेस्ट कयल गेल। एहि केर संग एखन धरि कुल 4.14 करोड़ टेस्ट कयल जा चुकल अछि। बीतल 24 घंटामे रिकॉर्ड 78 हजार 479 कोरोना रिपोर्ट पॉजिटिव आयल। 64 हजार 982 संक्रमित ठीक भ’ गेल, जखनकि 943 केर मृत्यु भ’ गेल। नव केस आ ठीक होमय वला मरीजक संख्यामे बेसी अंतर नहि होयबाक कारणे एक्टिव केस मंद गति स’ बढ़ि रहल अछि। बीतल 15 दिनमे देखब त’ कुल 10 लाख 14 हजार केस आएल अछि, लगभग 9 लाख 4 हजार 964 रोगी ठीक भेल आ 14 हजार 525 लोकनिक मृत्यु भ’ गेल। एहि स’ एक्टिव केसमे मात्र 95 हजारक बढ़ोतरी भेल। इ आंकड़ा covid19india.org केर मोताबिक अछि। देशमे आब प्रति 10 लाखक आबादीमे 29 हजार 234 लोकक कोरोना टेस्ट भ’ रहल अछि। एहिमे 2516 गोटे संक्रमित भेटि रहल अछि.
