प्रितिलता मल्लिक
पटना। मुख्यमंत्री नीतीश कुमार बुधदिन भोर मे पटना स्थित जयप्रकाश नारायण अंतरराष्ट्रीय हवाई अड्डे स तीन दिवसीय यात्रा पर भूटान क लेल विदा भेलाह। ओ ड्रक एयरलाइंस क विमान स भूटान पहुंचलाह। हिमालयी राष्ट्र पहुंचला पर बिहार क मुख्यमंत्री नीतीश कुमार क स्वागत प्रधानमंत्री लियोन पो जिग्मे वाई थिनले सहित अन्य मंत्री सब केलथि। बिहार सरकार क आधिकारिक प्रवक्ता कहला जे मुख्यमंत्री क प्रधानमंत्री संग भेल वार्ता मे मुख्य रूप से भूटान क सकल राष्ट्रीय खुशहाली सूचकांक ‘जीएचआई’ क अवधारणा आ बिजली पर चर्चा भेल। नीतीश क भूटान मे स्वागत करैत प्रधानमंत्री थिनले अपन पिछला बिहार यात्रा कए गप कहला। थिनले कहला जे भारत क सहयोग स हुनकर राष्ट्र मे चल रहल पनबिजली परियोजना कए शीघ्र पूरा करि लेल जाएत तखन राज्य सरकार केंद्र स उत्पादित बिजली मे हिस्सा मांगबाक स्थिति मे रहत।
प्रधानमंत्री कहला जे 2020 तक भूटान मे 10 हजार मेगावाट उत्पादन क अतिरिक्त क्षमता क पनबिजली घर क स्थापना होएत।
भूटान क प्रधानमंत्री महाबोधि समिति क अध्यक्ष सेहो छथि। बिहार द्वारा बोधगया आओर राजगीर मे बौद्ध तीर्थ यात्री क लेल कैल गेल व्यवस्थाक ओ सराहना केलथि। नीतीश कुमार राजगीर मे भूटान क मंदिर आओर धर्मशाला क लेल जमीन देबाक बारे मे सेहो एहि दौरान जानकारी देलथि। एहि अवसर पर नीतीश कुमार प्रधानमंत्री स भूटान क सकल राष्ट्रीय खुशहाली सूचकांक ‘जीएचआई’ क अवधारणा क बारे मे विस्तार स जानकारी लेलथि।
नीतीश स गपशपक दौरान भूटान क प्रधानमंत्री थिनले हुनकर समक्ष ग्लोबल वार्मिंग स भ रहल दुष्परिणाम पर चिंता जतेलाह आओर सरकार द्वारा उठाउल जा रहल कदमक जानकारी देलथि। थिनले ककहला जे हुनकर सरकार क उद्देश्य एक दिस जतए अपन राष्ट्र मे आधुनिकता आओर विकास कए बढ़ावा देब अछि त दोसर दिस ओ भूटान क परंपरागत संस्कृति आ विरासत कए सेहो बचाकए रखबा मे कोनो कसर नहि छोड़ए चाहैत छथि।
मुख्यमंत्री भूटान क गृह आ सांस्कृतिक मामला क मंत्री लियोन जो मिंजुर दोरजी क संग विचार विमर्श मे बिहार राज्य पर्यटन निगम आओर भूटान पर्यटन निगम क बीच तालमेल पर जोर देलथि, जाहि स पर्यटक क सुविधा क लेल अनुकूल व्यवस्था कैल जा सकए। नीतीश कुमार गृहमंत्री क संग थिंपू क करीब स्थित क्वेनसील फाडरांग पहाड़ सेहो गेलाह, जतए भगवान बुद्ध क 169 फुट ऊंच प्रतिमा क निर्माण कार्य चलि रहल अछि। मुख्यमंत्री क भूटान नरेश स सेहो भेंट करबाक कार्यक्रम अछि। नीतीश संग अधिकारीक एकटा शिष्टमंडल सेहो गेल अछि।
