दोसरसमाचार
नई दिल्ली। नक्सल इलाक क विकास क लेल केंद्र मदद देबाक घोषणा करि देलक अछि। नक्सली इलाका क विकास क लेल तैयार कैल गेल केंद्र क समेकित कार्य योजना (आईएपी) मे छत्तीसगढ़ क बाद सबस बेसी राशि बिहार क नक्सल प्रभावित जिला कए भेटत। कुल 13,399 करोड़ टका क प्रस्तावित नक्सल पैकेज क एक तिहाई जतय छत्तीसगढ़ मे खर्च होएत आतहि लगभग 18 फीसदी हिस्सा बिहार क खाता मे जाएत। नक्सल प्रभावित राज्य क सरकार क संग विस्तृत चर्चा आ नक्सल इलाका क मुआयना करबाक बाद योजना आयोग एहि जिला मे सड़क, स्वास्थ्य, शिक्षा, पेय जल, जीविका स जुड़ल विकास योजना क लेल विशेष खाका तैयार केलक अछि। एहि संबंध मे आयोग क एकटा बैठक भ चुकल अछि, जखकि दोसर बैठक 12 जुलाई कए अछि। मानल जा रहल अछि जे आहि दिन पैकेज कए अंतिम रूप द देल जाएत। ज्ञात हुए जे एकर दोसर दिन आयोग नक्सल प्रभावित राज्य क मुख्यमंत्री संग बैठक करत, जखकि ओकर बाद 14 जुलाई कए मुख्यमंत्री क संग बैठक मे प्रधानमंत्री डॉ. मनमोहन सिंह केंद्र क पूरा रणनीति पर चर्चा करताह। नक्सल प्रभावित जाहि 35 जिला मे विकास क लेल आईएपी तैयार कैल गेल अछि,ओहि मे बिहार आ झारखंड क 17 जिला पर 30 फीसदी राशि खर्च करबाक योजना अछि। तैयार आंकड़ा क अनुसार बिहार क छहटा जिला कए 2,237.4 करोड़ देबाक प्रस्ताव अछि। एहि मे सबस बेसी 581.86 करोड़ रोहतास जिला कए भेटत, जखन कि औरंगाबाद, जहानाबाद, जमुई, अरवल आ गया मे बाकी टका खर्च करबाक योजना अछि।
नक्सली स निपटबा लेल बनत कार्ययोजना
पटना । पटना प्रवास क दौरान रेल राज्यमंत्री केएच मुनियप्पा कहला जे नक्सली स निपटबा लेल राज्य सरकार क सहयोग स केन्द्र सरकार कार्य योजना बनाउत। नक्सली द्वारा रेलवे कए साफ्ट टारगेट बनेबा स रेल परिचालन करेबा मे परेशानी उत्पन्न भ रहल अछि। एकरा लेल केन्द्र सरकार राज्य सरकार क सहयोग स कार्य योजना तैयार करत। ओ कहला जे माओवादी द्वारा ट्रेन कए निशाना बनाएब गंभीर मामला अछि।
