पटना। बिहार राज्य आवास बोर्ड अपन कामकाज क अंदाज बदलि रहल अछि। ओ अपन छवि सुधारबाक कोशिश शुरू करि देलक अछि। एकर तहत बोर्ड प्रदेश मे पैघ संख्या मे अपन बेकार पड़ल जमीन क बेहतर उपयोग करि कए अपन आर्थिक स्थिति सेहो दुरुस्त करबाक काज मे लागि गेल अछि। बोर्ड पटना आ गया मे मार्केट काम्पलेक्स आओर आवासीय इकाई पर ध्यान केन्द्रित करि रहल अछि, ओतहि प्रदेश क अन्य हिस्सा में सेहो नव नीति क तहत लोक कए आवासीय सुविधा उपलब्ध कराउल जा रहल अछि। एकरा लेल आईएलएफएस आओर इंफ्रास्ट्रक्चर डेवलपमेंट अथॉरिटी क मदद लेल जा रहल अछि। अधखर्रु आ जर्जर मकान, भुगतान क नाम पर पेंच जइसन मसला कए लकए बोर्ड क छवि काफी खराब भ चुकल अछि। काफी दिन स गृह निर्माण क काज पर विराम लगल अछि। एकरा देखैत बोर्ड अपन नीति मे आधारभूत परिवर्तन करि रहल अछि। जानकारी भेटल अछि जे पटना क कंकड़बाग मे राजेन्द्र नगर पुल क निकट मार्केट काम्पलेक्स क निर्माण शुरू कैल जा रहल अछि। एहि मेें माल आओर मल्टीप्लेक्स क सेहो प्रावधान रहत। पब्लिक प्राइवेट पार्टनरशिप क आधार पर एहि योजना कए आकार देल जा रहल अछि। । संगहि पटना क एसके नगर मे सेहो जल्द एकटा आवासीय इकाई क निर्माण प्रारंभ भ रहल अछि। दोसर दिस बोर्ड पटना क बहादुरपुर इलाका मे जर्जर हालत वाला जनता फ्लैट, एमआईजी आ एचआईजी क एहन फ्लैटों क एकमुश्त बोली लगेगाक प्रयास मे अछि जेकर पंजी फंस अछि। गया मे एपी कालोनी स सटल 17 एकड़ क प्लाट पर पीपीपी माडल पर मार्केट काम्पलेक्स आ आवासीय इकाई क निर्माण क लेल निविदा आमंत्रित भ चुकल अछि। बोर्ड अपन खाता-बही दुरुस्त करबाक लेल निजी पार्टी क मदद ल रहल अछि। सूत्रों कहैत अछि जे हाउसिंग कए ल कए ओकर अनुभव ठीक नहि रहल अछि । लोक फ्लैट आवंटन क लेल प्रारंभिक राशि त जमा करि दैत अछि, मुदा बाद मे भुगतान अनियमित भ जाइत अछि या रुकी जाइत अछि। बोर्ड क पाई फंसि जाइत अछि। एहि परेशानी कए देखैत बोर्ड आब अपन पाई लगेबा स बचैत ऋण क लेल बैंक स समन्वय स्थापित करबाक फैसला केलक अछि। बैंक आ मकान लेनिहार दूनूक बीच मे आब बोर्ड नहि रहत । फ्लैट बनाकए बेचबाक बदला मे बोर्ड आब जमीन मुहैया कराउत। बिल्डर कए सेहो एहि मे मदद लेल जा रहल अछि। तत्काल डालमियानगर, समस्तीपुर, छपरा, दरभंगा क लहेरियासराय, गया आओर मुजफ्फरपुर मे नव योजना क क्रियान्वयन पर काज चलि रहल अछि।
