दोसरसमाचार
पटना। मुख्यमंत्री नीतीश कुमार स्वच्छ राजनीति आ भ्रष्टाचार उन्मूलन क दिशा मे दूटा पैघ पहल कैलाह। पहिल त विधानमंडल मे भ्रष्टाचार क खिलाफ जंग छेड़बाक एलान केलथि, दोसर विधायक स अनुरोध केलथि जे ओ विधायक निधि समाप्त करबाक साहस दिखाबथि।
विधानमंडल मे राज्यपाल क अभिभाषण पर पेश धन्यवाद प्रस्ताव पर भेल बहस क बाद सरकार क जवाब दैत ओ भ्रष्टाचार क खिलाफ जंग छेड़बाक एलान केलथि। भ्रष्टाचार क खिलाफ जेतबा ताकत अछि हम सबटा लगेबा लेल तैयार छी। भ्रष्टाचारी अगर ताकतवर छथि त हमरा उखाड़ि फेंकथि। नीतीशक एहि एलान पर नेता प्रतिपक्ष अब्दुलबारी सिदद्दीकी ठार भ कहला जे विपक्ष सरकारक एहि जंग मे समान भागीदार बनत। नीतीश कुमार कहला जे भ्रष्टाचारी क संपत्ति जब्त करबा लेल बनल कानून कए राष्ट्रपति अपन मंजूरी द देलथि अछि आ ओ दिन ऐतिहासिक होएत जखन एहन कोनो पहिल केस मे सजा होएत। प्रदेश नहि, बल्कि देश मे भ्रष्टाचारीक खिलाफ इ पैध संदेश होएत। ओ कहला जे भ्रष्टाचारीक आलीशान मकान मे स्कूल खोलल जाएत। मुख्यमंत्री कहला जे भ्रष्टाचार क कईटा मामला पर कार्रवाई चलि रहल अछि। मुख्यमंत्री कहला जे कहला जे अफसर आ मंत्री कए हर साल सम्पत्ति क ब्योरा देबाक अछि। हम सेहो हर साल इ ब्योरा सार्वजनिक करब।
मुख्यमंत्री कहला जे कोसी त्रासदी क पीड़ित क मकान बनत आ प्रत्येक घर पर 55 हजार टका खर्च कैल जाएत। ओ कहला जे बिहार क उपेक्षा करि दिल्ली मे कियो शासन नहि करि सकैत अछि।
मुख्यमंत्री कहला जे हम सब दिन-राति एक करि जनता लेल काज करि आ अधिकारी जनता क शोषण करथि, इ आब संभव नहि। एहिलेल लोकसेवा क अधिकार कानून बना रहल छी। समय सीमा क अंदर अधिकारी कए जनता क काज करबाक अछि।
सांझखन अपन आवास पर राजग विधायक क बैठक मे मुख्यमंत्री विधायक स अनुरोध केलथि जे ओ विधायक निधि समाप्त करबाक साहस दिखाबैथि। हुनकर कहब छल जे एहि स विधायक क छवि खराब होइत अछि।
ओ विधायक कए कहला जे सत्र क तुरंत बाद क्षेत्र मे जा जनता स गप करू आ स्थानीय स्तर पर योजनाक सत्यापन करू। ओ कहला जे लगातार जनता स संपर्क राखब तखने जनता क आकांक्षा पर खरा उतरब। जे अपार जनमत भेटल अछि, ओहि पर गुरूर करबाक कोनो आवश्यकता नहि अछि। जतए कोनो शिकायत अछि, ओकर तुरंत निदान करू। अपन-अपन क्षेत्र क विकास क रूपरेखा तैयार करू। ओ कहला जे विधायक क फोन नंबर सार्वजनिक हुए आ फोन पर 18 घंटा ओ उपलब्ध रहथि। मुख्यमंत्री सदस्य कए विधायी कार्य बुझबाक सलाह देलथि। कहला जे विधानमंडल कार्यसंचालन क नियमावली क अध्ययन करू। पढ़बाक आदत लगाउ। बिना अध्ययन कए अहां नीक विधायक या विधान पार्षद नहि भ सकैत छी। उपमुख्यमंत्री सुशील कुमार मोदी सदस्य कए कहला जे अहां सब कए दुनिया देखी रहल अछि, बढ़िया आचरण बनेने रहू, नहि त अहांक संग-संग सरकार आ राज्यक छवि धूमिल होएत। ओ कहला जे सदन मे नियमित आउ आ अधिकारी स व्यवहार बेहतर राखू। राजग क प्रदेश संयोजक नंदकिशोर यादव कहला जे जबरदस्त जनादेश स जिम्मेदारी बढ़ल अछि,एकरा हरदम मन राखू।
