दोसरसमाचार
पटना । गंगा महाआरती क बाद सरकार राजधानी क लोककए एकटा आओर सनेस देबाक योजना बनेलक अछि। गांधी घाट पर गंगा मे डांस-म्यूजिक फाउंटेन लगेबाक विचार भ रहल अछि। एकरा लेल विदेशी कंपनी प्रस्ताव सेहो पठेलक अछि। म्यूजिक फाउंटेन अहमदाबाद क तर्ज पर लगाउल जाएत,जाहि मे म्यूजिक क संग रंग-बिरंगी लाइट स कखनो पहाड़, कखनो मेघ, त कखनो अम्रपालीक छवि उभरत। फाउंटेन मल्टीमीडिया पर आधारित होएत। एखन फ्लोटिंग रेस्टोरेंट, चांदनी राति मे फ्लोटिंग रेस्टोरेंट स गंगा क सैर लोक कए कराउल जा रहल अछि। गंगा महाआरती सेहो भ रहल अछि, जेकरा देखबा लेल पैघ संख्या मे लोक जमा भ रहल अछि।
