10 सेक्टर क लेल अलग-अलग सलेक्शन सेंटर
चैंबर, बीआईए, सीआईआई क सेहो भागीदारी
उज्जवल कुमार
पटना । देश मे चारूआत मंदी क मारि छल। पहिने स सेहो बेरोजगार क लंबा फौज नौकरी लेल परेशान छल। उम्मींद क सबटा किरण नदारत छल। तैयारी त भ रहल छल, मुदा आसरा कोनो दिस स नहि भेट रहल छल। सब दिन चेहरा पर कालिमा क एक नव लकीर उभरि रहल छल, मुदा कहल जाइता छल जे सब राति क भोर होइत दैक, त शायद सूर्य उगि रहल छथि। सितंबर-अक्तूबर दिल्ली स इ संकेत आयल छल् जे मंदी क असर आब कम भ रहल अछि। जाहिर अछि दिल्ली कहि रहल अछि त ओहि मे सच्चाई त होएत। एखन संकेत आ सच्चाई क आकलन भ रहल छल कि बिहार सरकार मंदी क कम हेबाक असर क घोषणा कए सच साबित करि देलक। जखन चारूआत नैकरीक दिक्कते दिक्कत अछि एहन मे बेरोजगार नौजवान कए पता चल जे ओकरा लेल 25 हजार नौकरी बाजार मे एकसंग आबि चुकल अछि। जाहिर अछि मुंह क कालिमा लालिमा मे बदलए लागल। खुशखबरी इ अछि जे 125 कंपनी करीब 25 हजार नौकरी लए कए आइ पटना मे छथि।
अलग-अलग सेक्टर क लेल अलग अलग चुनाव केंद्र
श्री कृष्ण मेमोरियल हॉल, गांधी मैदान -इंश्योरेंस आ बैंकिंग सेक्टर
बिहार इंडस्ट्रीज एसोसिएशन -दंत चिकित्सा आ पारा मेडिकल
यूथ हॉस्टल, फ्रेजर रोड- मैनेजमेंट प्रोफेशन
तारा मंडल – टेक्निकल आ इंजीनियरिंग
बिहार चैम्बर आफ कामर्स – कंप्यूटर साफ्टवेयर
बांकीपुर गल्र्स हाई स्कूल- डिफरेंट तरह के जॉब
मिलर हाई स्कूल – स्पिनिंग मिल सेक्टर
अवर प्रादेशिक नियोजनालय, बेली रोड- सिक्यूरिटी गार्ड-सुपरवाइजर
बीएन कॉलेज अशोक राजपथ-सेल्स आ मार्केटिंग
आईआईबीएम, बुद्ध मार्ग -लाइब्रेरियन आ बीपीओ सेक्टर
पहिल दिन भेटल एक लाख 20 हजार आवेदन
रोजगार मेला क पहिले दिन लगभग एक लाख 20 हजार आवेदन जमा भेल। सबस बेसी आवेदन बीएन कॉलेज क सेंटर पर जमा भेल। एहिमे भाग लेबा लेल पांच लाख स बेसी युवक पटना मे जमा छथि।
रविदिन पहुंचल सेहो कंपनी
रविदिन दर्जन भरि आाओर कंपनी नौकरी ल कए पटना पहुंचल। एहि कंपनीक एलाक बाद कुल नौकरी संख्या 25 हजार स बढि़ कए 45 हजार तक जा पहुल अछि । इ सबटा कंपनी बेंगलुरू स आयल अछि।
उदासीन रहलथि लड़की वर्ग
मेला कए ल कए लड़की वर्ग मे उदासीनता रहलथि। कुल 1.20 लाख आवेदन मे हिनकर भागीदारी महज 20 हजार रहल। एकर पाछु कंपनीक मानब अछि जे एखनो बिहार मे महिला नौकरी करबा लेल मानसिक रूप स तैयार नहि अछि।
गांधी मैदान बनल दलान
एक संग करीब पांच लाख गोटे शहर मे आबि गेलथि अछि। एहि स शहर क पूरा व्यवस्था चरमरा गेल अछि। एकर असर सांझ होइत-होइत गांधी मैदान, पटना जंक्शन आ हनुमान मंदिर सन सार्वजनिक स्थल लोकक दलान बनि चुकल अछि। एकर अलावा कईटा महत्वपूर्ण सड़क क फुटपाथ सेहो आवेदक स पटल अछि। राजधानी क होटल्स क सबटा कोठली पहिने स बुक भ चुकल अछि।
