केवटी । मिल खुलबाक बाट ताकिरहल पथरायल आंखि मे रोशनी जगल अछि। बंद पड़ल रैयाम चीनी मिल क चालू हेबाक प्रक्रिया शुरू भ गेल। हस्तांतरण क लेल विगत 10 फरवरी कए तिरहुत इंडस्ट्रीज लिमिटेड द्वारा 91 लाख 10 हजार क ड्राफ्ट प्रिंसिपल सेक्रेट्री गन्ना उद्योग विभाग बिहार सरकार कार्यालय मे जमा भेलाक उपरांत कंपनीक प्रबंध निदेशक प्रदीप कुमार चौधरी शिवरात्रि क शुभ अवसर पर रैयाम पहुंचलाह आ चीनी मिल क निरीक्षण करि मिल क भूमि क स्थिति क जायजा लेलथि। एहि क्रम मे प्रबंध निदेशक चौधरी मिल परिसर मे तत्काल इजोत अनबा लेल जेनरेटर लगेबाक निर्देश देलथि। संगहि गन्ना तौल मशीन क मरम्मत आ क्षमता बढ़ेबा लेल कार्रवाई शुरू केलथि। दोसर दिन सुरक्षा व्यवस्था क पुख्ता इंतजाम क लेल सेहो पहल प्रारम्भ कैल गेल अछि। चौधरी मिल क करीब 68 एकड़ प्रांगण सहित विभिन्न पंचायत मे पड़ल मिल क जमीन क संबंध मे मिल क कार्यालय सचिव गणपति मिश्र स जानकारी लेलथि। कार्यालय सचिव मिश्र संबंधित जमीन क ब्योरा आ नक्शा प्रबंध निदेशक कए देलथि। प्रबंध निदेशक मिल मे गन्ने क पेराई क लेल उन्नत किस्म क गन्ना क लेल एक हजार एकड़ भूमि क चयन क लेल पांच किमी क अंदर क किसान क चयन क लेल प्रक्रिया शुरू करि देलथि अछि। प्रबंध निदेशक कहला जे किसान कए नीक किस्म क बीज उपलब्ध करेबाक पहल आइ स शुरू करि देल गेल अछि।
दोसर दिस रैयाम चीनी मिल क निवर्तमान जीएम एसएन लाल रकम जमा हेबाक पुष्टि करैत कहला जे रैयाम चीनी मिल क हस्तांतरण क राशि 9 करोड़ 11 लाख, गन्ने उद्योग लगेबा लेल आ सकरी लेल 18 करोड़ 25 लाख, फूड प्रोसेसिंग स संबंधी इंडस्ट्रीज लगेबा लेल निर्धारित अछि। रकम बिहार सरकार क खजाने मे जमा भ रहल अछि। एहि दौरान निर्देशक राजेश चावला आ अशोक चौधरी सेहो मौजूद छलाह।
