दोसरसमाचार
पटना। एहि मास क अंतधरि पांचटा पड़ोसी राज्यक मुख्यमंत्री पटना मे जुटताह। योजना आयोग क उपाध्यक्ष मांटेक सिंह अहलुवालिया सेहो पटना आबि रहल छथि। 12 म पंचवर्षीय योजना क एप्रोच पेपर क तैयारी क सिलसिला मे 30-31 मई कए पांच राज्यक क क्षेत्रीय परामर्शीय बैठक मे भाग लेबा लेल इ लोकनि पटना आबि रहल छथि। योजना आयोग एप्रोच पेपर क तैयारी क लेल परामर्शीय बैठक पटना मे निर्धारित केलक अछि। एहि मे योजना आयोग क उपाध्यक्ष क अतिरिक्त छत्तीसगढ़, झारखंड, ओडिशा, पश्चिम बंगाल आ बिहार क मुख्यमंत्री सहित योजना आयोग आ उपरोक्त पांच राज्यक करीब 275 प्रतिभागी हिस्सा लेताह। 30 मई कए बैठक क दोसर सत्र मे सब राज्य क दू-दूटा महापौर कए हिस्सा लेबाक अछि।
