ज्योत्सना मिश्रा
पटना । गंगा क अलावा राज्य क सातटा नदी कए स्वच्छ करबाक तैयारी चलि रहल अछि। एहि नदी क कातमे बसल शहर सबसँ निकलयवला सीवरेज आ ड्रेनेज क गंदा पानि कए साफ क कए वापस नदी में खसेबाक लेल प्रोजेक्ट तैयार कयल जा रहल अछि। गंगा नदी मे नमामि गंगे परियोजना क तर्ज पर कोसी, बूढ़ी गंडक, सोन, गंडक, किऊल, बागमती आ महानंदा नदी मे खसयवला गंदा पानि क सीवेज ट्रीटमेंट प्लांट (एसटीपी) क माध्यम सँ साफ करबाक योजना अछि। एहि क लय कए नगर विकास आ आवास विभाग क निर्देश पर बिहार शहरी आधारभूत संरचना विकास निगम लिमिटेड क तरफ सँ योजनाक डीपीआर तैयार कयल जा रहल अछि।
कोसी आ बूढ़ी गंडक क प्रोजेक्ट एहि परियोजना क तहत कोसी नदी सँ जुड़ल तीन शहर सहरसा, सुपौल आ मधेपुरा में एसटीपी आ आइएडडी बनाओल जयबाक अछि। फिलहाल एहि शहर सबकए डीपीआर तैयार कय बीतल नवंबर मे नीरी कए पठाउल
जा चुकल अछि आ एनएमसीजी क स्वीकृति क लेल केंद्र कए प्रोजेक्ट पठाउल गेल अछि। बूढ़ी गंडक नदी सँ जुड़ल मुजफ्फरपुर, मोतिहारी आ समस्तीपुर क लेल एसटीपी आ सीवरेज पाइप लाइन क प्रोजेक्ट अछि। डीपीआर तैयार होबाक स़ग जमीन एनओसी कए प्रक्रिया चलि रहल अछि।
सोन आ गंडक नदी क प्रोजेक्ट
सोन नदी सँ जुड़ल डेहरी, अरवल आ दाउदनगर मे एसटीपी आ सीवरेज पाइप लाइन क प्रोजेक्ट बनाओल जायबाक अछि। फिलहाल डीपीआर कए स्वीकृति लेल प्रोजेक्ट एनएमसी मे पठाउल गेल अछि। गंडक नदी सँ जुड़ल गोपालगंज, बगहा शहर के प्रोजेक्ट कए सेहो स्वीकृति क लेल डीपीआर एनएमसीजी कए पठाउल गेल अछि।
किऊल आ बागमती
दोसरसमाचार
किऊल नदी के जुड़ल शहर लखीसराय आ जमुई, बागमती सँ जुड़ल शहर दरभंगा आ महानंदा नदी सँ जुड़ल शहर किशनगंज मे सेहो एसटीपी आ सीवरेज पाइप लाइन कए बिछाओल जयबाक अछि। लखीसराय आ जमुई के डीपीआर एखन तैयार नहि अछि। दरभंगा
क डीपीआर कए रिव्यू कयल जा रहल अछि। किशनगंज नीरी दिस सँ डीपीआर बनेबाक तैयारी चलि रहल अछि।
नब सीवरेज पाइप लाइन ओछाओल जायत
नमामि गंगे प्रोजेक्ट मे राज्य के 23 नगर निकाय सबकए रखल गेल अछि। एहि प्रकार एहि सात नदीक कातमे बसल 15 छोट- पैघ शहर में सीवेज ट्रीटमेंट प्लांट क संग पूरा शहर मे नब सीवरेज पाइप लाइन ओछेबाक काज भेनाई अछि। सीवरेज पाइप लाइन सँ
आगा सब घर मे सेहो कनेक्शन देबाक काजक प्रोजेक्ट मे राखल गेल अछि। एहिमे कतेको प्रोजेक्टक डीपीआर तैयार भय चुकल अछि। एहि प्रोजेक्ट सबपर राष्ट्रीय पर्यावरण अभियंत्रिकी अनुसंधान संस्थान सँ स्वीकृति क लेल सेहो पठाओल गेल अछि। एहिसब शहर मे तैयार होबयवला प्रोजेक्ट सँ कतेको लाख लोक के सुविधा भेटत आ शहर सबमे जलजमावक समस्या सेहो कम होयत।
