दोसरसमाचार
नई दिल्ली . अभिनेता सुशांत सिंह राजपूतक मृत्यु मामिलामे ड्रग्स कनेक्शनके ल’ NCB पैघ कार्रवाइ करैत रियाक भाइ शौविकके गिरफ्तार क’ लेलक अछि. सैमुअल मिरांडाके सेहो अरेस्ट कयल गेल अछि. यद्यपि एहि स’ पहिने एनसीबी कहने छल जे आइ कोनो गिरफ्तारी नहि होयत. मुदा एखन एनसीबी लम्बा पूछताछक बाद ओकरा गिरफ्तार क’ लेलक. बता दी जे आइ भोर पहिने ओकरा घर पर एनसीबी रेड कयने छल आ पूछताछक लेल शोविकके संग ल’ गेल छल.
एनसीबीक उपनिदेशक केपीएस मल्होत्रा कहने छलाह जे शोविकके शीघ्रहि गिरफ्तार कयल जा सकैत अछि. भोरे स’ रिया चक्रवर्तीक भाइ शोविक पर आब गिरफ्तारीक तरुआरि लटकि रहल छल. रियाक घर पर छापामारीक बाद नारकोटिक्स कंट्रोल ब्यूरोक टीम शोविक चक्रवर्तीके अपना संग ल’ गेल छल. शोविक स’ ड्रग्स पेडलरक संग बैसा क’ पूछताछ कयल गेल.
ड्रग्स कनेक्शनमे एनसीबी ठोस सबूतक ताकमे छल. शोविकक नाम ने मात्र चैटमे आयल बल्कि जैद आ बासित सेहो ओकरा संग लिंकक बात कयलक. इहे गवाही शोविकक गिरफ्तारीक लेल पर्याप्त छल. NDPS कानूनक सेक्शन 67 नारकोटिक्स ब्यूरोक तहति शोविकक गिरफ्तारी कयल गेल. आब रिया पर शिकंजा कसैत जा रहल अछि. शीघ्रहि ओकर गिरफ्तारीक अनुमान सेहो लगाओल जा रहल अछि. सूत्र स’ जनतब भेटल अछि जे एनसीबी शीघ्रहि रिया चक्रवर्तीके सेहो समन पठाओत.
