पटना. बिहारक राजनीतिमे मगध केर क्षेत्र प्रदेशक सत्ताक भविष्य तय करैत अछि. मगध केर क्षेत्र लालू प्रसाद यादवक राजनीतिक मजगूत गढ़ मानल जाएत अछि. मुदा नीतीश कुमारक राजनैतिक प्रभाव बढ़बाक संगहि इ जेडीयू-बीजेपीक दुर्ग बनि गेल. नीतीश कुमार एहि क्षेत्रक धुरी मानल जाएत छथि आ यैह कारण अछि जे 2015 मे आरजेडी एतय अपन पैर मजगूती स’ जमयबामे सफल रहल छल, मुदा अब नीतीश आ बीजेपी एक संग अछि त’ तेजस्वी यादवक लेल मगधक राजनीतिक साम्राज्य बचयबाक चुनौती अछि.
मगध प्रमंडलक पांच जिला गया, अरवल, जहानबाद, औरंगाबाद आ नवादामे विधानसभाक कुल 26 टा सीट अबैत अछि. पछिला दू चुनाव स’ इ इलाका बिहारक सत्ताक फैसला करैत आबि रहल अछि. 2010 मे बीजेपी-जेडीयूक नाम रहल त’ 2015 एहि इलाकामे लालू यादवक लहरि देखबामे आयल छल. एकरे कारण छल जे पछिला चुनावमे एतय महागठबंधन 20 सीट अपना नाम कयने छल आ
पूरा इलाका स’ एनडीएक सफाया भ’ गेल छल.
2015 केर बिहार विधानसभाक चुनावमे मगध प्रमंडलक 26 सीटमे स’ 10 सीट आरजेडी जीति क’ अपन दबदबा बनओने छल. एकरा अलावा जेडीयूक खातामे 6 सीट आयल छल आ कांग्रेसके चारिटा सीट भेटल छल. ओतहि, एनडीएक खातामे छह सीट आयल छल, जाहिमे बीजेपीके 5 आ जीतनराम मांझीक पार्टीके एक टा सीट भेटल छल. 2015 मे आरजेडी अरवलक दू गोट सीटमे स’ एक, जहानाबादक तीन सीटमे स’ दू, औरंगाबादक छह सीटमे स’ एक, नवादाक पांच सीटमे स’ दू आ गयाक 10 सीटमे स’ चारिटा सीट जीतने छल. एकरा पांच साल पहिने आरजेडीक अरवल, जहानाबद, औरंगाबाद आ नवादा जिलामे खाता धरि नहि खुजि सकल छल. आरजेडीक संग-संग कांग्रेसक सेहो स्थिति 2010 केर मोकाबिला 2015 मे नीक भेल छल. ओ 2015 मे औरंगबादमे दू गोट आ गया एवं नवादामे एक-एक टा सीट जीतने छल, जखनकि एहि स’ पहिने मगधमे ओकर खाता नहि खुजल छल.
एहि बेर बदलि गेल अछि राजनीतिक समीकरण
यद्यपि, एहि बेरक विधानसभा चुनावमे बिहारक राजनीतिक समीकरण बदलि गेल अछि. जेडीयू एक बेर फेर स’ अपन पुरान सहयोगी बीजेपीक संग अछि, जकर सहयोगीक रूपमे एलजेपी अछि आ जीतन राम मांझी अयबाक प्रयासमे छथि. ओतहि, आरजेडी कांग्रेस, उपेंद्र कुशवाहा आ वामपंथी दलक संग मिलिकय चुनावी भाग्य आजमा रहल अछि. मगधक क्षेत्रमे आरजेडीक किलाके बचेबाक चुनौती तेजस्वी यादवक कान्ह पर अछि, किए नीतीश कुमार ने 2010 में बीजेपी के साथ मिलकर इस इलाके की सभी सीटों को अपने नाम कर लिया था. आरजेडी को महज त’ एकटा सीट भेटल छल आ कांग्रेसक खाता सेहो नहि खुजि सकल छल. ओतहि, जेडीयूके 16 सीट भेटल छल आ बीजेपीके 8 सीट भेटल छल. एकरे परिणाम छल जे राज्य बीजेपी-जेडीयू गठबंधनक सरकार बनल छल, आब फेर स’ वैह समीकरण सोझाँ अछि, जाहि स’ तेजस्वी यादवके मोकाबिला करबाक अछि.
दोसरसमाचार
