पटना । साइकिल आओर होटल उद्योग क बाद आब बिहार मे आब खाद्य तेल निर्माता कंपनी सेहो तेजी स अपन पैर पसारि रहल अछि। उद्योग विभाग क मुताबिक राज्य मे कम स कम 250-300 करोड़ टकाक निवेश लगभग तय अछि।
राज्य क उद्योग विभाग क प्रधान सचिव सीके मिश्रा कहला जे राज्य मे खाद्य तेल निर्माण स जुडल कई टा कंपनी आबि रहल अछि । एहि मे स सबस प्रमुख अछि इंदौरक रुचि सोया। कंपनी रोहतास मे करीब 200 करोड़ क लागत स एकटा रिफाइनरी क निर्माण करबा लेल तैयार अछि। एहि परियोजना पर गप काफी आगू जा चुकल अछि। सरकार कंपनी कए जमीन आ दोसर सुविधा उपलब्ध करबा देलक अछि। हमरा सब कए एहि परियोजना कए जल्द शुरू हेबाक उम्मीद अछि।
एकर अलावा, कईटा छोट-छोट कंपनी सेहो राज्य दिस रुख करि रहल अछि। जेवीएल एग्रो लिमिटेड सेहो रोहतास मे करीब 50 करोड़ क लागत स अपन खाद्य तेल रिफाइनरी क निर्माण करि रहल अछि। ओतहि, सुमन एग्रीटेक प्रा. लिमिटेड, सिद्धि रेफऑयल प्रा. लिमिटेड आओर स्वास्तिक रिफाइनरी प्रा. लिमिटेड सन छोट-छोट खिलाड़ी सेहो राज्य मे निवेश करि रहल अछि। एहि स राज्य सरकार कए करीब 300 करोड़ क निवेश एबाक उम्मीद अछि।
दोसर दिन इ कंपनी सब सेहो बिहार मे निवेश कए फायदा क सौदा मानि रहल अछि। रुचि सोया इंडस्ट्रीज लि. क वरिष्ठ अधिकारी शंभुनाथ मिश्र कहला अछि जे बिहार मे आजुक तारीख मे माहौल निवेशक लेल अनुकूल अछि। संगहि, बुनियादी ढांचा क स्थिति नीक हेबा स राज्य मे कारोबार करब आब ओतबा मुश्किल नहि अछि। एहि लेल हम सब बिहार आबि रहल छी।
हालांकि, कारोबारी सूत्र क कहब अछि जे एहि निवेशक कए खींच कए अनबा मे राज्य सरकार क खाद्य प्रसंस्करण नीति क सेहो अहम भूमिका अछि। दरअसल, एहि नीति क तहत राज्य सरकार बिहार मे खाद्य प्रसंस्करण क्षेत्र मे निवेश करनिहार निवेशक क लेल कई तरह क छूट आ सब्सिडी द रहल अछि। संगहि, राज्य सरकार एहि निवेशक कए बैंक स कर्ज दिएबा मे मदद सेहो करि रहल अछि।
मिश्रा कहला जे कृषि हमर ताकत अछि। एहि लेल हम एकर बेसी स बेसी इस्तेमाल करि रहल अछि। हमर सबहक कोशिश आब रंग ल रहल अछि। राज्य मे बीतल एक मास मे एहि क्षेत्र क 10टा इकाइ मे उत्पादन शुरू भ चुकल अछि, जाहि स राज्य मे करीब 300 करोड़ क निवेश आबि चुकल अछि। हमरा सब कए अपन एहि ताकत मे बेसी स बेसी इजाफा करबाक अछि।
