दोसरसमाचार
नरपतगंज । बिहार मे अपन पहिल चुनावी सभा कए संबोधित करैत प्रधानमंत्री डॉ मनमोहन सिंह कहला अछि जे बिहार मे विकास गति बहुत कम अछि।
राज्य क विकास क लेल केन्द्र सरकार द्वारा मुहैया कराउल गेल राशि कए राज्य सरकार आम आदमी तक नहि पहुंचा सकल। ताहि लेल जतए अन्य राज्य तेजी स विकास करि रहल अछि, ओतही बिहार क प्रगति बहुत सुस्त अछि। ओ कहला जे जतए केन्द्र सरकार द्वारा देल जा रहल रकम जनता तक पहुंचल, ओतए राज्य सरकार जनता कए गुमराह केलक। केन्द्र सरकार क योजना कए एहि तरह स पेश केलक जे ओ राज्य सरकार क योजना हुए।
प्रधानमंत्री कहला जे इ बहुत अफसोस क गप अछि जे आजादी क 63 साल बाद बिहार देश क सबस पिछड़ल क्षेत्र मे एकटा अछि। आइ सेहो एहि ठामक 50 फीसदी स बेसी आबादी गरीबी रेखा स नीचा अछि। राज्य मे कोनो पैघ उद्योग नहि अछि। केन्द्र क यूपीए सरकार पिछला छह साल मे कईटा एहन योजना शुरू केलक अछि जे खास तौर पर देश क पिछड़ल क्षेत्र क विकास क लेल अछि, मुदा राज्य सरकार क लापरवाही क कारण एहि स्कीम क पूरा फायदा लोक तक नहि पहुंच पाबि रहल अछि।
प्रधानमंत्री कहला जे बिहार सरकार रकम क इस्तेमाल ठीक तरह स करिते त काफी सुधार भ गेल रहिते। राज्य सरकार क फर्ज बनैत अछि जे ओ केन्द्र स भेटल राशि क सही इस्तेमाल करे। प्रधानमंत्री कहला- हमरा अफसोस क संग कहए पड़ि रहल अछि जे बिहार सरकार अपन एहि फर्ज कए पूरा नहि केलक अछि।
प्रधानमंत्री कहला- हम लगातार इ कोशिश केलहुं जे बिहार मे प्रगति क रफ्तार तेज हुए। बिजली, सड़क, सिंचाई जइसन क्षेत्र क विकास क लेल बिहार कए एकटा विशेष पैकेज क तहत सब साल एक हजार करोड़ टका देल जा रहल अछि। एहि तरहे एहन धरि छह हजार करोड़ देल जा चुकल अछि। बैकवर्ड रीजन ग्रांट फंड क तहत बिहार कए 36 जिला कए हुनकर खास जरूरत क लेल सहायता राशि देल जा रहल अछि। एहि स बिहार क स्वरूप बदलि सकैत छल। एहि ठाम सेहो बिहार सरकार अपन जिम्मेदारी ठीक तरह स नहि निभेलक।
प्रधानमंत्री कहला जे केन्द्र सरकार समाज क समुचित विकास क लेल मनरेगा, राष्ट्रीय ग्रामीण स्वास्थ्य मिशन, सूचना क अधिकार कानून, शिक्षा क अधिकार कानून आ राष्ट्रीय खाद्य सुरक्षा मिशन जइसन कईटा कार्यक्रम लागू केलक अछि। एकरा लागू करबा मे राज्य सरकार खास दिलचस्पी नहि देखेलक। इ एकटा पैघ वजह रहल जाहि स राज्स क विकास नहि भ रहल अछि।
जदयूक नाम लेने बिना प्रधानमंत्री कहला जे किछु एहनो दल अछि जे अपना कए धर्मनिरपेक्ष कहैत अछि मुदा सत्ता मे रहबा लेल एहन ताकत क सहारा लैत अछि, जे समाज कए बांटबाक राजनीति करैत अछि। एहन ताकत मंदिर-मस्जिद क नाम पर दंगा-फसाद करबैत अछि। एहन दल स सावधान रहबाक जरूरत अछि। ओ कहला जे पिछला बीस साल मे अहां सब गैर-कांग्रेसी दल कए बिहार मे सरकार बनेबा क मौका दैत रहलहुं अछि। एहि बेर कांग्रेस कए मौका दी, ताकि हम बिहार क प्रगति क लेल मेहनत स काज करि सकी।
