दोसरसमाचार
बैंक मे जमा राशि रखनिहार दू सौ सबस पैघ शहर मे बिहार क चारिटा शहर अछि। सर्वाधिक कर्ज लेनिहार देश क 200 सबस पैघ शहर मे बिहार क केवल दूटा शहर- पटना आओर मुजफ्फरपुर अछि।
नई दिल्ली। अगर इ कहल जाए कि बिहार मे बैंक क अधिकारी टका दूनू हाथ स समेट रहल छथि आ कर्ज देबा क मामला में ठेंगा देखा दैत छथि त गलत नहि होएत। लाख कोशिशक बावजूद बिहार संग बैंक क व्यवहार नहि सुधरि रहल अछि। रिजर्व बैंक क निर्देश हुए या फेर वित्त मंत्रालय क सुझाव बैंक पर कोनो असर नहि पडैत अछि। बिहार कए सरकारी आओर निजी क्षेत्र क कॉमर्शियल बैंक कर्ज बांटबा लेल कतई तैयार नहि अछि। बैंक क अधिकारी कए साफ तौर पर निर्देश भेटैत रहैत अछि जे टका जेतबा भ सकए जमा करू मुदा कर्ज देबाक कोनो जरूरत नहि। एहि कारण स कर्ज आ जमा [सीडी] अनुपात क मामला मे बिहार क स्थिति दशक स हिंसाग्रस्त मणिपुर, मिजोरम, त्रिपुरा आ नगालैंड स बदतर अछि। सर्वाधिक कर्ज लेनिहार देश क 200 सबस पैघ शहर मे बिहार क केवल दूटा शहर- पटना आओर मुजफ्फरपुर अछि।
आरबीआइ क अधिकारी सेहो स्वीकार करैत छथि जे बैंकिंग गतिविधि जाहि रूप मे बिहार मे बढल अछि आ ओहि ठाम जेतबा टका जमा भ रहल अछि ओहि अनुपात मे कर्ज देबाक गति बहुत कम अछि। ओना अधिकारीक कहब अछि जे दू-तीन वर्ष बाद हालात ठीक भ जाएत। केंद्रीय बैंक क आंकडा स्वयं गवाह अछि जे बिहार क संग बैंक क सौतेला व्यवहार मे कोनो कमी नहि आयल अछि। बिहार मे बैंक क जमा आ कर्ज राशि क अनुपात मार्च, 2010 तक 28.81 फीसदी छल। जे पिछला सालक अनुपात 27.25 फीसदी स नीककहल जा सकैत अछि, मुदा बीमारू राज्य उत्तर प्रदेश [42.57 फीसदी] आ मध्य प्रदेश [59.50] स बिहार काफी नीचा अछि। महाराष्ट्र, गुजरात आ पंजाब क सीडी अनुपात त बहुत बेसी अछि, बिहार त एहि मामला मे पूर्वोत्तर क राज्य तक स पाछु अछि।
बिहार मे बैंक क 4,156 शाखा अछि जखनकि उत्तर प्रदेश मे 10,550, मध्य प्रदेश मे 4,309, पश्चिम बंगाल मे 5,437, राजस्थान मे 4,248 आ महाराष्ट्र मे 8,427 बैंक शाखा अछि। इ स्थिति तखन अछि जखनकि बैंक मे राशि जमा करनिहार लोकक संख्या बिहार बहुत बेसी अछि। बैंक मे जमा राशि रखनिहार दू सौ सबस पैघ शहर मे बिहार क चारिटा शहर अछि। सितंबर, 2010 कए समाप्त तिमाही मे पटना मे 28,349 करोड़ टका जमा करौल गेल अछि, जखनकि एहि अवधि मे बैंक एहि शहर मे महज 6,590 करोड़ टका कर्ज क रूप मे वितरण केलक।
पटना क बाद मुजफ्फरपुर [114], गया [147], भागलपुर [154] आओर दरभंगा क स्थान 166 अछि। मुदा कर्ज देबाक मामला मे पहिल 200 शहर मे पटना क अलावा केवल मुजफ्फरपुर अछि सेहो 135म स्थान पर।
वित्त वर्ष 2010-11 मे बिहार स्थित कॉमर्शियल बैंक कुल 25,552 करोड़ टका क कर्ज वितरित केलक। इ एक वर्ष पहिने क तुलना मे 46 फीसदी बेसी अछि। पिछला वर्ष क शुरुआत मे आरबीआइ गवर्नर डी. सुब्बाराव राज्य क दौरा केने छलाह आओर बैंक स कर्ज क राशि बढेबा लेल कहने छलाह। ओकर बाद केंद्र सरकार दू हजार स बेसी आबादी वाला देश क 72 हजार गाम कए बैंकिंग सेवा स जोड़बा क अभियान शुरू केलक। एहि मे लगभग 1,700 गाम बिहार क अछि।
