की Nokia क ऐंड्रॉयड वन प्रोग्राम दए सकत Xiaomi क RedMi Note 5 Pro कए टक्कर?
माइक्रोसॉफ्ट स अपन करार खत्म केलाक बाद नोकिया अपन सेगमेंट मे नित नव प्रयोग कए रहल अछि। नोकिया 6 आ 8 ओकरे प्रतिफल अछि, मुदा शाओमी क टक्कर देनाय अखनो नोकिया लेल पहाड़ चढ़नाय जेहन अछि। शाओमी जहिया स मार्केट मे आएल अछि अपन धमक स सबहक पानि छोड़ैने छल। अपन कीमत आ फीचर क कारण ई अखन भारतक नंबर वन स्मार्टफोन कंपनी बनि गेल अछि। जे हरेक 1 मिनट मे नहि केवल एकटा फोन बेचि रहल अछि बल्कि चारि टा फोन बना सेहो रहल अछि। फ्लीपकार्ट सनक कंपनी सेहो रेडमी क सेल लगा ट्रैफिक मे नंबर वन बनल अछि। मुदा सबहक आशंका अछि ऑफलाईन मॉर्केट मे एलाक बाद शाओमी अपन कीमत मे बढ़ोतरी करत। अपन सबसे सस्ता फोन रेडमी 5A क कीमत बढ़ा शाओमी एकर शुरूआत कए देने अछि। आब देखबाक लेल ई अछि जे आँगा शाओमी अपन कीमत संगे की प्रयोग करैत अछि। ओतहि ई सेहो देखबाक अछि कि जे ग्राहक नोकिया स दुरी बना लेने छल ओकरा वापस नोकिया अपना दिस खींच सकत कि नै।
नई दिल्ली । नोकिया क लाइसेंस रखनिहार एचएमडी ग्लोबल एहि महिना भारत मे अपन लेटेस्ट स्मार्टफोन लॉन्च कए देलक । कंपनी अपन फ्लैगशिप स्मार्टफोन नोकिया 6 (2018) आ नोकिया 8 भारत में लॉंच केने अछि । बता दी जे नोकिया क ई तीनू स्मार्टफोन गूगल क ऐंड्रॉयड वन प्रोग्राम क हिस्सा अछि आओर एकरा नियमित तौर पर अपडेट आ सिक्योरिटी पैच भेटैत रहत । अझुका टेक रिव्यू मे हम नोकिया 6 (2018) क तुलना बाज़ार मे सबसे बेसी प्रचलित ब्रांड शाओमी क रेडमी नोट 5 प्रो स करब ।
डिस्प्ले
नोकिया 6 (2018) मे 5.5 इंच फुल एचडी डिस्प्ले अछि जेकर रेज़ॉलूशन 1080×1920 पिक्सल अछि । जखनकि शाओमी रेडमी नोट 5 प्रो मे 5.99 इंच फुल एचडी+ डिस्प्ले अछि आओर एकर रेज़ॉलूशन 1080×2160 पिक्सल अछि । नोकिया 6 (2018) आस्पेक्ट रेशियो क मामले मे पिछैड़ जाएत अछि किएक एकर आस्पेक्ट रेशियो 16:9 अछि जखनकि रेडमी नोट 5 प्रो क आस्पेक्ट रेशियो 18:9 अछि ।
प्रोसेसर
नोकिया 6 (2018) मे क्वालकॉम स्नैपड्रैगन 630 प्रोसेसर देल गेल अछि जे कि बजट सेगमेंट वला फोन लेल ठीक अछि । ओतहि रेडमी नोट 5 प्रो मे क्वालकॉम स्नैपड्रैगन 636 प्रोसेसर अछि । प्रोसेसर क मामला मे सेहो नोकिया 6 (2018) शाओमी आ आन एहि बज़ट क फोन स पिछैड़ रहल अछि ।
ऑपरेटिंग सिस्टम
नोकिया 6 (2018) एकटा ऐंड्रॉयड वन स्मार्टफोन अछि और ई ऐंड्रॉयड 8.0 ओरियो ऑपरेटिंग सिस्टम संगे आबैत अछि । फोन कए समय पर अपडेट आ सिक्योरिटी पैच भेटैत रहत । एहिक अलावा, फोन कए जल्दिए ऐंड्रॉयड पी अपडेट सेहो भेटि सकैत अछि । शाओमी रेडमी नोट 5 प्रो ऐंड्रॉयड 7.0 नूगा पर चलैत अछि जे कि ऐंड्रॉयड क पुरान वर्ज़न अछि । एहिलेल Nokia 6 (2018) ऑपरेटिंग सिस्टम क मामले मे शाओमी से बेस आगाँ अछि ।
रैम और स्टोरेज
नोकिया 6 (2018) मे 3 जीबी/4 जीबी रैम आ 32 जीबी/64 जीबी इनबिल्ट स्टोरेज देल गेल अछि । ओतहि शाओमी रेडमी नोट 5 प्रो 4 जीबी रैम आ 64 जीबी स्टोरेज आओर 6 जीबी रैम आ 64 जीबी स्टोरेज मे भेटैत अछि । दुनू स्मार्टफोन्स मे एक्सपेंडेबल स्टोरेज क विकल्प सेहो भेटैत अछि । हालांकि, शाओमी क फोन समान कीमत मे बेसी रैम ऑफर कए रहल अछि ।
कैमरा
नोकिया 6 (2018) में ज़ाइस क 16 मेगापिक्सल रियर कैमरा आओर ड्यूल टोन एलईडी फ्लैश अछि । एहिक अलावा, स्मार्टफोन मे अपर्चर एफ/2.0 क संगे 8 मेगापिक्सल सेल्फी शूटर सेहो अछि । शाओमी रेडमी नोट 5 प्रो मे एकटा ड्यूल रियर कैमरा सेटअप अछि । फोन मे रियर पर एलईडी फ्लैश क संगे 12 मेगापिक्सल आओर 5 मेगापिक्सल क दूटा सेंसर सेहो अछि । प्राइमरी 12 मेगापिक्सल कैमरा अपर्चर एफ/2.2 आओर सेकंडरी 5 मेगापिक्सल कैमरा अपर्चर एफ/2.0 क संग अबैत अछि । डिवाइस मे आगू दिस 16 मेगापिक्सल आओर 2 मेगापिक्सल क ड्यूल रियर कैमरा सेटअप अछि । ओतहि सेल्फी क लेल 8 मेगापिक्सल क फ्रंट सेंसर देल गेल अछि । एतय सेहो नोकिया 6 (2018) शाओमी स पिछैड़ जाएत अछि।
बैटरी
Nokia 6 (2018) मे 3000 एमएएच क बैटरी अछि जखनकि रेडमी नोट 5 प्रो 4000 एमएएच क बैटरी देल गेल अछि । शाओमी रेडमी नोट 5 प्रो बैटरी क मामला मे सेहो नोकिया स बेस आगू अछि ।
कीमत
नोकिया 6 (2018) की कीमत 16,999 रुपये अछि जखनकि रेडमी नोट 5 प्रो क शुरुआती कीमत भारत मे 13,999 टका आओर 12,999 टका अछि ।
