दोसरसमाचार
दरभंगा : आखिर ओ तारीख सामने आबि गेल जेकर बाट करीब 57 साल स मिथिलाक लोक ताकि रहल छल. आठ नवंबर स दरभंगा एयरपोर्ट स विमान सेवा शुरु भ जायत. एयरपोर्ट कए सिविल कोड आवंटित क देल गेल अछि. डीबीआर कोड क तहत दरभंगा एयरपोर्ट पर विमानक परिचालन होएत. कोड आवंटनक संगहि स्पाइस जेट दरभंगा लेल बुकिंग सेहो शुरु कर देलक अछि. दिल्ली, बेंगलुरु आ मुंबई लेल विमान सेवा शुरु होएत. स्पाइसजेट क साइट समेत सबटा साइट पर अहां आब दरभंगा लेल टिकट कटा सकैत छी. बोईंग 737 विमान कंपनी दरभंगा लेल शुरु करत. दिल्ली आ दरभंगा क बीच किराया करीब 3 हजार टका अछि.
