दोसरसमाचार
आशीष झा
नई दिल्ली । लोकसेवा आयोग क परीक्षाक परिणाम बुधदिन सामने आयल। मैथिलीक नजरि स परिणाम एक मायने मे एतिहासिक कहल जा सकैत अछि। एहि बेर करीब एक दर्जन एहन छात्र परीक्षा पास केलथि अछि जिनकर विषय मैथिली छल। परीक्षा मे सफल छात्र चंदन क अनुसार कुल 46 गोट छात्र मेंन्स परीक्षा मे एहि विषय कए ल कए बैसल छलाह, जाहि मे स कुल 24 गोटे कए साक्षात्कार लेल बजाउल गेल छल। साक्षात्कार बाद करीब एक दर्जन छात्र कए परीक्षा मे सफलता भेट गेल अछि। अपन चारिम आ आखिरी प्रयास मे कामयाब भेल अनुप तीन बेर इतिहासक संग राजनीति शास्त्र विषय लेने छलाह आ कामयाबी हुनका लग नहि आबि सकल। अपन आखरि प्रयास मे ओ राजनीति शास्त्र क स्थान पर मैथिलीक चयन केलथि आ ओ सफल रहलाह। मधुबनी जिलाक घोघडिहा क रहनिहार अनुप अपन स्कूली शिक्षा भोला हाइ स्कूल, बिरौल स केलथि आ स्नातक ललितनारायण मिथिला यूनिवर्सिटी से केलाक बाद दिल्ली आबि गेलाह। अनुप क कहब अछि जे सफलता लेल लक्ष्य जरूरी अछि आ हुनकर लक्ष्य समाज लेल किछु करबा प्रयास अछि।
लोकसेवा आयोग मे मैथिलीक प्रवेशक बाद इ सबस पैघ सफलताक आंकडा अछि। एहि आंकडा मे खास गप इ अछि जे मेंस मे बैसनिहार करीब 20 टा छात्र बिहार स बाहर क छलाह, जाहि मे उत्तर प्रदेश स तरूण गुप्ता आ हरियाणा स आदित्य क नाम सामने आबि रहल अछि। आदित्य पहिल गैर बिहारी छथि जे मैथिली विषय स इ परीक्षा पास केलथि अछि। मूल रूप स हरियाणाक रहनिहार आदित्य सेहो पहिल बेर मैथिली कए अपन विषय मे शामिल केने छलाह। ओतहि मूल रूप स सीवान क रहनिहार ए पांडेय क पुत्र अभिशेष आनंद अपन दोसर प्रयास मे 320 म स्थान प्राप्त केलथि अछि। आइआइटी स पढल आनंदक कहब अछि जे हुनकर एहि सफलता मे मैथिलीक बड पैघ योगदान अछि। आनंद क अलावा सेहो करीब छह गोटे बिहार क भोजपुर आ चंपारण स एहि परीक्षा मे सफलता पौलथि अछि, मुदा एखन धरि हुनका स संपर्क नहि भ सकल अछि।
आशीष जी सत्य ई जे अहाँ एतेक नीक खबड़ देलहु जे मोन गौरवान्वित भेल अछि । निश्चित रूपे ई सफलता मैथिली विषयक प्रति आकर्षण बढ़ाओत ।
mon gadgad bha gel,maithili ker durdin samapta bha rahal achhi,sabh safal pratibhagee ken dhanyavad.
Ashis Jee E khabri suni ke samast mathil aur mithilavasi ke gourab bhadal achhi, saghi unkar jo maithili ke 8m suchi me darj karwak lel aandolan kelaith, pulishak lathi khalaith, sanghi dosar khusi ke baat e je non-maithil seho saphalta bhetal achhi ahi se 100% maithili ke taraph akarshan badhat.
aatma jura gel
Bahut paigh uplabdhi aaich. News ke lel bahut dhanyabad . Alok –BNP Paribas Bank-Paris
श्री जानकी नवमी / मैथिली दिवस केर पुर्वसंध्या पर मैथिली पर भरोष कएनिहार क्षात्र लोकनि केँ हुनक आशीष ।