श्रुति मोदीक वकीलक आरोप- सुशांतक दू गोट बहिन ड्रग्स लैत छलीह, परिवारके सेहो बूझल छल; नशाक कारण लगातार सुशांतक कैरियर खसि रहल छल
अभिनेता सुशांत सिंह राजपूत मामिलामे ड्रग्सके ल’ प्रतिदिन नव खुलासा भ’ रहल अछि. ताजा मामिलामे सुशांत आ रिया चक्रवर्तीक मैनेजर रहल श्रुति मोदीक वकील अशोक सरावगी दावा कयलनि जे सुशांतक दू गोट बहिन ओहि पार्टीमे शामिल होइत छलीह, जाहिमे ड्रग्सक उपयोग होइत छल। किछु दिन पहिने ईडी रियाक दू गोट फोनक क्लोनिंग कयलक। एहि सं रिकवर चैटमे ड्रग्स एंगलक खुलासा भेल छल, जकरा बाद गोवाक होटल कारोबारी गौरव आर्यके आइ ईडी पूछताछक लेल बजओलक अछि।
दोसरसमाचार
एकटा चैनलके देल इंटरव्यूमे सरावगी दावा कयलनि जे सुशांतक बहिन ड्रग्स पार्टीमे शामिल होइत छलीह। ओ कहलनि जे मुंबईमे रहयवाली सुशांतक बहिन शराबक सेवन करैत छलीह। ओ एकर अत्यंत शौकीन छलीह। अशोकक मानब छनि जे सुशांतक परिवारके एहि विषयमे जानकारी छल जे ओ ड्रग्स ल’ रहल छलाह ।
अशोक सरावगी कहलनि- एगो वॉट्सएप पर ग्रुप छल, जाहिमे ड्रग्स लेबय पर चर्चा होइत छल। ओहि ग्रुपमे सुशांत आ रियाक अलावा सोहेल (ड्राइवर और बॉडीगार्ड), दोस्त आयुष शर्मा, आनंदी छल, इ सभ कहियो काल सुशांतक घर पर रुकि क’ ड्रग्स लैत छल। ओहि ग्रुपमे शामिल सभ ड्रग्स लैत छल। मैनेजर श्रुतिके सेहो इ लोकनि ड्रग्स लेबाक लेल कहने छल मुदा ओ मना क’ देलनि। श्रुति कहने छलीह जे जं हुनका स’ दोबारा इ पूछल गेल त’ ओ ग्रुप छोड़ि देतीह, एहि लेल हुनका स’ फेर नहि पूछल गेल। ओहि ग्रुपमे होयबाक कारणे सुशांतके ड्रग्सक विषयमे सभ किछु बूझल छल आ ओहो एकर सेवन करैत छलाह।
अशोक सरावगी बतबैत छथि जे सुशांत अपना खर्च के ल’ बहुत चिंतित छलाह आ ओ ओकरा शीघ्र कम करय चाहैत छलाह। सुशांतक खर्चके ल’ रिया 11 जनवरीके एक मीटिंग सेहो बजाने छलीह, जकर सुशांत हिस्सा त’ नहि बनि सकल छलाह, मुदा मीटिंगक रिकॉर्डिंग कयल गेल छल, जकरा बादमे सुशांत सुनने सेहो छलाह।
अशोक सरावगी कहैत छथि जे सुशांतके बूझल छल जे हुनकर खर्च बहुत बेसी आ आ एहि लेल ओ चिंतित छलाह। ओ अपन टाकाके ल’ अत्यंत असुरक्षित रहैत छलाह। सुशांतक परिवार चाहैत छल जे ओ आपस आबि जाय, किये त’ ओ सुशांत लेल एक टा रेस्टोरेंट खोलबय चाहैत छलाह, मुदा सुशांतके इ मंजूर नहि छल।
श्रुतिक वकील इहो कहलनि जे ड्रग्सक कारणे सुशांतक कैरियर पर सेहो असरि पड़ि रहल छल. जनवरीमे एक गोट कंपनी सुशांतके अपन ब्रांड एंबेसडर बनबय चाहैत छल। मुदा तखन ओ मुंबईमे नहि छलाह, एहि लेल कंपनी कहने छल जे ओ एक्टरक पुरान फोटो स’ काज चलाओत, मुदा टाका सेहो 50% कम देत. सुशांतके ओ डील मंजूर नहि छल आ ओ मुंबई अयबाक वादा कयने छलाह। मुदा जखन सुशांत मुंबई पहुंचलाह त’ हुनकर स्तिथि देखि क’ कंपनी ऑफरे कैंसिल क’ देने छल। सुशांत ओहि समय ठीक नहि छलाह।
एहि स’ पहिने काल्हि श्रुति मोदी आ सुशांतक बहिन मीतू सिंहक बीच भेल वॉट्सऐप चैट सोझाँ आयल छल। जाहि स’ इ खुलासा भेल अछि जे सुशांत डिप्रेशनमे छलाह, इ बात हुनका बहिनके बूझल छल। एहि चैटमे श्रुति डॉक्टरक नंबर आ सुशांतक लेल प्रिस्क्राइब कयल गेल दवाइक नाम सेहो बतओलनि अछि. एहि चैटक स्क्रीनशॉटमे मीतू श्रुति स’ बात करैत अपने डॉक्टर स’ भेंट करबाक बात कहने छलीह. इ चैट 26 नवंबर 2019 केर अछि। श्रुति एहि चैटमे ओ प्रिस्क्रिप्शन सेहो शेयर कयलनि अछि जे डॉक्टर 10 दिनक लेल हुनका देने छल। एहि चैटमे हुनक बहिन मीतूक नाम नीतू दीदी लिखल अछि।
