बिहार क बालक रचलक इतिहास, बालिका टीम उपविजेता बनल
पटना । राष्ट्रीय सब जूनियर कबड्डी क बालक वर्ग मे दिल्ली कए हरा इतिहास रचि देनिहार बिहार टीम क खिलाड़ी आ प्रबंधक क उत्साह देखिते बनैत अछि। फाइनल मे पिछड़बा स मायूस बालिका सेहो हिनकर जीत मे शामिल भ अपन हारि क गम बिसरबा क कोशिश करि रहल अछि। बिहार क कबड्डीक इतिहास मे पहिल बेर मोइनुल हक स्टेडियम क बाहरी परिसर स्थित कोर्ट हिप-हिप हुर्रे आ हम हैं चैंपियन क आवाज स गुंजायमान छल।
अवसर छल मोइनुल हक स्टेडियम परिसर मे संपन्न 21हम राष्ट्रीय सब जूनियर कबड्डी प्रतियोगिता मे बिहार क बालक इतिहास रचैत पहिल बेर खिताब अपन नाम करबाक। इ उपलब्धि बिहार फाइनल मे दिल्ली कए 40-28 स हरा कए हासिल केलक। बालिका वर्ग मे सेहो एहि दूनू टीम क बीच खिताबी मुकाबला भेल जाहि मे दिल्ली 19-8 स बाजी मारि लेलक। बिहार क दिस स भवेश कुमार रेडिंग आ संजीत कैचिंग मे सर्वाधिक अंक अर्जित कलथि, जखकि राखी, अर्चना, कुसुम आ आकृति दिल्ली क बालिका टीम कए विजेता बनेबा मे अहम भूमिका निभेलथि। बालक वर्ग मे उत्तर प्रदेश आ राजस्थान आओर बालिका वर्ग मे मणिपुर आ हरियाणा कए तेसर स्थान भेटल। भवेश आ राखी सर्वश्रेष्ठ खिलाड़ी क पुरस्कार जीतलथि बालक वर्ग क फाइनल मे टास जीतकए बिहार शुरू स आक्रामक रवैया अख्तियार केने रहल आ पहिल हाफ मे 14 अंक हासिल करि लेलक । दोसर पारी मे सेहो मेजबान टीम चारिटा बोनस आ दू लोना क संग दिल्ली कए काफी पाछु छोडि़ देलक। एहि स पूर्व सेमीफाइनल मे बिहार क बेटा सब उत्तर प्रदेश कए 41-23 स, दिल्ली गत विजेता राजस्थान कए 17-15 स हरेने छल।
राज्यपाल देवानंद कुंवर विजेता आ उपविजेता टीम कए पुरस्कृत कलथि । राज्यपाल अपने संक्षिप्त भाषण मे कबड्डी कए प्रचीन खेल बतबैत कहलथि जे एहि मे दमखम क आवश्यकता होइत अछि। समारोह क अध्यक्षता करैत स्थानीय सांसद शत्रुघ्न सिन्हा बिहार कबड्डी संघ कए ऐतिहासिक आयोजन आ टीम क सफलता पर बधाई देलथि। राज्यपाल स ट्राफी पाबि खुशी मे झूमि रहल बालक एहि सिलसिला कए जूनियर टूर्नामेंट मे सेहो बरकरार रखबाक दावा केलथि अछि , ओना बालिका सेहो अगिला प्रतियोगिता मे अपन दिस स कोनो कसर नहि छोड़बाक किरिया खेलथि अछि। विजयी टीमक सदस्य भवेश कहलथि जे पूर्णिया आ पटना मे 15-15 दिन क अंतराल मे लगल कैंप क सेहो फायदा भेल। कैंप मे हम सब जमकए मेहनत केने रही। कोच दिनेश चंद्र राय मानलथि जे कैंप मे लड़का सब खूब सीखलक।
