दोसरसमाचार
पिछला दू सप्ताह मे बिहार मे दूटा एहन घटना कए अंजाम देल गेल जेकरा महिला सशक्तीकरण नहि बल्कि गरीब आ महिला मे कानून पर स विश्वास उठब कहल जा सकैत अछि। पहिल घटना सीवान क अछि जाहि ठाम एकटा नर्तकी छेड़छाड करबा पर आरोपी कए गोली मारि देलथि। दोसर घटना फुलवारी क अछि जतए एकटा विधवा अपन नुआ मे आगि लगा दुष्कर्मी कए जिंदा जरा देलथि। किछु साल पहिने पूर्णिया मे यौन उत्पीडन क कारण एकटा विधायक कए गोली मारि देल गेल छल। एहि तरहक बढैत घटना बता रहल अछि जे अपराधी कए सजा देबा लेल मान्य संस्था प्रभावहीन भ गेल अछि, लोक कए ओकरा पर स विश्वास उठल जा रहल अछि। अपराधी सरेआम समाज मे अपराध क रहल अछि आ कानून हाथ पर हाथ ध बैसल अछि। धारा क पेंच आ जमानत क दुहारि अपराधी कए कानून क फंदा स बचा रहल अछि। मान्य संस्था अपन दायित्वक निर्भाह करबा मे कतहु नहि कतहु चूकि रहल अछि। एहन मे एहि तरहक घटना समाज मे तामस क नहि बल्कि निराशा क द्योतक अछि। सीवान मे पानक दुकान पर सार्वजनिक रूप स नर्तकी संग जखन छेड़छाड़ भ रहल छल, तखन संसद मे एहन काज लेल सजा कए नरम करबाक दलील देल जा रहल छल। दिल्ली गैंग रेप पर हो-हल्ला क बावजूद एहन घटना मे कोनो कमी नहि आयल अछि। अपराधी पर कार्रवाई क दशा इ अछि जे दरभंगाक दामिनी क आरोपी कए पुलिस एखन धरि पकडि नहि सकल अछि, ओकरा सजा कहिया भेटत इ त भगवान जानथि। इ किछु एहन उदाहरण अछि जे मीडिया मे चर्च कैल गेल अछि। एहन आओर कतेक घटना अछि जाहि मे कानून अपन कोनो भूमिका नहि देखा सकल। एहन मे अगर फुलबारी क एकटा विधवा अपन इज्जत लुटनिहार कए सजा अपन हाथ स द देलक त इ न्यायालय लेल एकटा सबक जेकां अछि। इ घटना साबित करैत अछि जे ओ महिला अपना सन आओर महिला कए बचा लेलक। कारण इ जे ओ कईटा आओर महिला क इज्जत लूटलाक बावजूद जेल क बदला मे समाज मे मौजूद छल। एहन काज कियो ओहिना नहि क लैत अछि, इ बता रहल अछि जे न्याय लेल उम्मीद क आखिरी ईजोत क डिबिया तक मिझा गेल अछि। इ अन्हार क सबूत अछि जे आम आदमी कए किछु देखा नहि रहल अछि ओ अपना लेल न्याय क गुहार करबा लेल कतहु ककरो स न्याय क उम्मीद नहि करैत अछि। अपने हाथ स फैसला क रहल अछि। न्यायालय कए इ सोचबाक चाही जे गरीब आ महिला सन असहाय समाज लग आखिर कोन बाट बचल अछि। गरीब आ महिला लेल भारत मे कानूनी लड़ाई आब एकटा अंतहीन युद्ध भ चुकल अछि। न्याय भेटबा मे देरी आम लोक कए कानून हाथ मे लेबा लेल विवश क रहल अछि। कोर्ट अपने मंथन करै जे कानून हाथ मे लेबा लेल आम आदमी कए मजबूर के क रहल अछि। आइ जेहन परिस्थिति देश मे उपजल अछि ओहि मे एहन काज लेल दोष आम आदमी कए देब कतहु स उचित नहि। त्वरित न्याय एकर एक मात्र समाधान अछि। न्यायालय कए एहि पर विचार करबाक चाही, नहि त न्यायालय क प्रति आम लोकक विश्वास आओर कमजोर होइत जाएत।
maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna, दरभंगा, मिथिला, मिथिला समाचार, मैथिली समाचार, बिहार, मिथिला समाद, इ-समाद, इपेपर
सर्वप्रथम अशुद्धि के लेल क्षमा
हमर घर खास मधुबनी अछि आ हम व्यकिगत रूप स जानैत छी जे कोन-कोन सरकारी कार्यालय मे कोना भ्रष्टाचार होयत अछि ! मोदा छोट पैमाना पर!
वर्त्तमान परिवेश में जिला परिवहन कार्यालय में व्याप्त कुव्यवस्था एक वृहद और खतरनाक रूप ल नेने छैक !
दलाली एवं सिफारिश के भयंकर बोलबाला अछि !
बगर मे थाना सामने समाहरणालय एवं पाछू में सत्तारूढ़ पार्टी के जिला कार्यालय !
तखनो बेख़ौफ़ और अहंकार स युक्त दलाल सब खुल्लम खुल्ला आम जन के शोषण करैत अछि !
संगे आम जन कार्यालय के कार्यशैली में विलम्ब एवं भागदौड स बचई के लेल दलाल सभ के चक्कर मे परि क आपन आर्थिक शोषण कराबै के लेल तैयार छथिन !
हम अहाँ स सविनय निवेदन करम जे अहाँ हमरा एहि वेबसाइट स जोड़ी क आपन बात राखै के मौका दिय !
जे हम आपन कार्टून , लेख एवं स्टिंग ऑपरेशन के साक्ष्य के संग समस्त मिथिलावासी के जागरूक कराय के कोशिश करम !
विशेष अहाँ के जवाब के इंतजार रहत !
हमर फेसबुक आई डी अछि — http://www.facebook.com/mukesh.panjiyar.98
हमर पेज के आई डी अछि — http://www.facebook.com/appanmadhubani
हमर ब्लॉग के आई डी अछि — http://www.appanmadhubani.blogspot.in
धन्यवाद !