दोसरसमाचार
पटना। एनटीपीसी क कहब अछि जे बिहार मे बिजली संकट आब बेसी दिन नहि रहत। बिहार मे निर्माणाधीन विद्युत परियोजना क जायजा लेबा लेल आयल एनटीपीसी क अध्यक्ष सह प्रबंध निदेशक अरुप राय चौधरी कहला जे अगिला पांच साल मे बिहार मे 8500 मेगावाट बिजली क उत्पादन होएत, जाहि मे स अधिकतर बिजली बिहार कए उपलब्ध होएत।
औरंगाबाद जिला मे नबीनगर स्थित निर्माणाधीन दूटा बिजलीघर क कार्य प्रगति क जायजा लेलाक बाद पत्रकार स गप करैत चौधरी कहला जे बाढ़, कांटी आ नबीनगर मे निर्माणाधीन परियोजना कए पूरा भ गेलाक बाद बिहार मे बिजली संकट इतिहास भ जाएत। एहि सब ठाम स 8500 मेगावाट बिजली क उत्पादन होएत। चौधरी नबीनगर क भारतीय रेल बिजली कंपनी लिमिटेड आ नबीनगर पावर जेनेरेटिंग कंपनी लिमिटेड क निर्माणाधीन परियोजना क कार्य क प्रगति क जायजा लेलथि। ओ कहला जे भारतीय रेल बिजली कंपनी लिमिटेड लेल 1597 एकड जमीन मे स मार्च 2012 तक कुल 1328 एकड जमीन क अधिग्रहण भ चुकल अछि। शेष जमीन क सेहो सितंबर 2012 तक अधिग्रहण भ जाएत।
दोसर दिस बिहार मे सुचारू बिजली आपूर्ति लेल सरकारी प्रयास जमीन पर आबि रहल अछि। एक जुलाई 2012 कए बिहार राज्य विद्युत बोर्ड क विखंडन भ जाएत। सरकार एकरा लेल अधिसूचना जारी क देलक अछि। एकर संगहि राज्य मे विद्युत व्यवस्था कए देखबा लेल गठिन पांचटा नव कंपनी अपन काज शुरू क देत। एहि दिशा मे ऊर्जा विभाग आ विद्युत बोर्ड क उच्च प्रबंधन काज सेहो शुरू क देलक अछि। ज्ञात हुए जे पिछला साल राज्य मंत्री परिषद बिहार विद्युत बोर्ड कए विखंडन क संग-संग पांचटा नव कंपनी क गठन कए मंजूरी देने छल। एकर बाद मार्च मे नव कंपनी क सीमएडी आ ओकर निदेशक मंडल क गठन भेल छल। नव कंपनी क पूंजी पर सरकार हाल मे नियंत्रक आ महालेखाकार कए पत्र पठेने छल। एहि संबंध मे सूत्रक कहब अछि जे सीएजी (कैग) नव कंपनी कए पूंजी पर कई तरह क सवाल ठार क आपत्ति जता देने छल। खास क कंपनी पर भेल खर्च पर सीएजी असहमत छल, बावजूद एकर बिहार विद्युत बोर्ड क बंटवारा तय भ गेल। आब एक जुलाई स बिहार स्टेट पावर (होल्डिंग) कंपनी लिमिटेड, बिहार स्टेट पावर ट्रांसमिशन कंपनी लिमिटेड, बिहार स्टेट पावर जेनरेशन कंपनी लिमिटेड, साउथ बिहार पावर डिस्ट्रीब्यूशन कंपनी लिमिटेड आ नार्थ बिहार पावर डिस्ट्रीब्यूशन कंपनी लिमिटेड काज शुरू क देत।
maithili news, mithila news, bihar news, latest bihar news, latest mithila news, latest maithili news, maithili newspaper
Kaanti aa Baruni thermal k kharab haal achhi aa bina ohi par hyan dene nab thermal Naveenagar aa Bardh me lagenaai Mithilak prati upeksha dekhbait acchi aa Patniya netak apan kshetramoh aa Mithilk netak supt awsthame vikask swpn..