2012 तक तैयार होयत पटना रेल सह सड़क पुल
4556 मीटर लंबा एहि पुल मे कुल 39 टा पाया होयत
37टा पाया बनि कए तैयार, बाकी पर काज जारी
1366 करोड़ टका स तैयार भ रहल अछि पुल
पटना। रेल राज्य मंत्री ई अहमद कहला अछि जे पटना मे गंगा नदी पर बनि रहल रेल सह सड़क पुल बिहार क लेल विकास क सेतु साबित होइत। इ पुल बिहार क लेल नहि बल्कि पूरा देश क लेल राष्ट्रीय गौरव होयत। अहमद स्टीमर स गंगा नदी क ऊपर निर्माणाधीन एहि रेल पुल क निरीक्षण करबा लेल गेल छलाह। ओ कार्य प्रगति कए संतोषजनक कहैत रेल अधिकारी कए निर्माण कार्य लक्ष्य क अनुसार दिसम्बर 2012 तक पूरा करबाक निर्देश देलथि।
रेल राज्यमंत्री कहला जे 4556 मीटर क लंबाई वाला एहि पुल कए बनिकए तैयार भ गेला पर इ भारत क सबस लंबा रेल सह सड़क पुल होयत।
अहमद कहला जे 1366 करोड़ टका क लागत स बनि रहल एहि पुल क निर्माण पहिने मात्र रेलवे पुल क रूप मे हेबाक छल, मुदा बाद मे एकरा रेल सह सड़क पुल क रूप मे परिवर्तित करि एकर निर्माण कार्य शुरू कराउल गेल अछि। रेल राज्यमंत्री कहला जे एहि पुल क निर्माण मे भारत मे कोनो दोसर पुल क तुलना मे सबस बेसी स्टील क इस्तेमाल भ रहल अछि। एहि मे 39टा खंभा रहत, जाहि मे स 37टा खंभा क निर्माण कार्य पूरा भ चुकल अछि आओर आब पियर कैप आ सुपर स्ट्रक्चर क कार्य कए पूरा कैल जा रहल अछि। ओ कहलथि जे रेलवे क इंजीनियर आ सुपरवाइजर काजक बारीकी स निरीक्षण करि रहल छथि आ निर्माण कार्य क दौरान उच्च गुणवत्ता सुनिचित करि रहल छथि । रेल राज्यमंत्री ई अहमद पुल निर्माण कार्य मे लगल टीम कए 50 हजार टका क पुरस्कार देबाक घोषणा केलथि।
रेल राज्यमंत्री कहलथि जे ओ मुख्यमंत्री नीतीश कुमार स स्वयं यात्री क सुरक्षा क मामला मे गप केलथि अछि आ मुख्यमंत्री सेहो प्रदेश क अधिकारी कए एहि संबंध मे दिशा-निर्देश जारी केलथि अछि। एकटा प्रश्नक उत्तर मे रेल राज्यमंत्री कहलथि जे बिहार संग कोनो भेदभाव नहि बरतल जा रहल अछि। रेलमंत्री ममता बनर्जी बिहार पर विशेष ध्यान द रहल छथि। हुनकर साफ निर्देश अछि जे बिहार क रेल परियोजना क क्रियान्वयन प्राथमिकता क आधार पर हेबाक चाही। मंत्रालय एकरा लेल पर्याप्त मात्रा मे धन उपलब्ध करा रहल अछि। यदि कोनो परियोजना मे दिक्कत अबैत अछि त आवश्यकतानुसार ओकर समीक्षा कए अधिक धन उपलब्ध कराउल जाइत।
