दोसरसमाचार
नई दिल्ली। मधुबनी क गायब छात्र प्रशांत कुमार झा अपन प्रेमिका प्रीति क संग बरामद भ गेलाह अछि। दिल्ली पुलिस प्रेमी युगल कए महरौली स गिरफतार केलक अछि। इ जानकारी बिहार क पुलिस महानिदेशक अभ्भयानंद देलथि अछि। दिल्ली पुलिस सेहो एकर पुष्टि केलक अछि। दूनू कए शीघ्र बिहार पठाउल जाएत।
जानकारी क अनुसार सोमदिन दुपहरिया मे जखन पूरा बिहार प्रशांत क हत्या क विरोध मे बंद छल आ बिहारक प्रमुख विपक्षी नेता हिरासत मे छलाह, तखन दिल्ली क महरौली मोहल्ला मे प्रशांत एकटा दुकान मे देखल गेलाह। संयोग स ओहि ठाम प्रशांत क गामक एकटा युवक सेहो मौजूद छल। प्रशांत कए देखि ओ चौंक गेल, मुदा हल्ला नहि केलक चुपचाप दिल्ली पुलिस कए फोन केलक आ प्रशांत क बारे मे जानकारी देलक। प्रशांतक मामला दिल्ली पुलिस लेल सेहो अनचान नहि छल। दिल्ली पुलिस तत्काल महरौली मे छापेमारी केलक आ दूनू कए गिरफतार क बिहार पुलिस कए सूचित केलक। प्रशांतक बरामदगी स बिहार पुलिस मुख्यालय इ सूचना आगि जेका फैलल। पुलिस महानिदेशक अभयानंद मोबाइल पर तत्काल प्रशांत स गप केलथि आ एकर पुष्टि केलथि जे बरामद युवक प्रशांत अछि आ कियो आओर। प्रीतिक बरामदगी स मामला पहिने साफ भ चुकल छल। एकर बाद अभयानंद इ जानकारी मीडिया के देलथि। दोसर दिस प्रशांत मामला पर आयोजित बिहार बंद एहि सूचना स औचित्यहीन भ गेल। पूरा बिहार इ बुझबा लेल टीवी स चिपकल रहल जे आखिर एतबा नाटक किया आ कोना भेल जाहि स एकटा शहर तबाह भ गेल आ तीनटा युवकक जान चल गेल। ज्ञात हुए जे 1ववीं क छात्र प्रशांत अपन प्रेमिका संग भागि गेल छल। एकर बाद एकटा शव बरामद भेल छल, जाहि पर प्रशांतक परिवार दावा केने छल। प्रशासन ओहि शव कए प्रशांत क शव मानबा स इनकार करैत रहल। एहि बीच प्रशांतक परिवार धरना पर बैस गेल। पिछला दू दिन पहिने प्रशांत क शव लेल मधुबनी मे भारी उपद्रव भेल जाहि मे एखन धरि तीन गोटे क मौत भ चुकल। एसपी सहित कईटा पदाधिकारी क स्थानांतरण कैल गेल आ अज्ञात शव कए सेहो प्रशांत क शव मानि परिजन कए सौंप देल गेल। एहि बीच विपक्ष एहि पूरा मामला पर आइ बिहार बंद करबाक घोषणा केलक आ ओकर प्रभाव सेहो देखल गेल। एहि बीच प्रशांत क बरामदगी स कईटा सवाल ढार भ गेल। पहिल इ जे ओ अज्ञात शव केकर छल जे प्रशांत क नाम पर जरा देल गेल। दोसर जे तीन गोटा क मौत आ सरकारी संपत्तिक नुकसान लेल के जिम्मेदार। सवाल प्रशांतक परिवार पर सेहो उठत जे ओ प्रशांत क शव नहि रहितो किया अज्ञात शव पर एतबा दावा केलक। मधुबनी में भारी हंगामा क पाछु क राज गहरा रहल अछि, मुदा बिहार पुलिस लग एखनो चुनौती कम नहि भेल अछि।
प्रशांत क बरामदगी क बाद इ मांग सेहो जोर पकडि रहल अछि जे दोषी पर कार्रवाई कैल जाए। प्रशांत क दादी आ दीदी, किशोरवय युवा कए भड़केनिहार राजनितिज्ञ, एस.पी. सौरभ कुमार आ डी.पी.ओ. जगतपति चौधरी हिनका सब पर तत्काल धारा 302 आ 307 क मुकदमा दर्ज हेबाक चाही। इ एकटा व्यक्ति क नहि बल्कि एकटा शहर क मौत क मामला अछि। दरअसल हिनका लोकनिक कार्यशैली स मधुबनी सन शांत शहर धधकी गेल। इ सब एकटा शहर कए मारबाक प्रयास केलथि, शहर कए जिंदा जरेबाक काज भेल। एहि पूरा मामला क अंत तखने संभव अछि जखन एक-एक टा टीवी फुटेज देखि उपद्रवी पर कार्रवाई कैल जाएत। आगू एहन घटना नहि हुए ताहि लेल सेहो इ जरूरी अछि।
maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna
bahut khusi bhay rhl achhi e smavad padhi ka jay mithila jay mathil.
bad besi khusi bha rahal aai esamaad paidh ka,,bht nik aai,kumud ji aha ka bahut bahut dhanwyad,,