दोसरसमाचार
प्रीतिलता मल्लिक
पटना । बिजली क संकट झेल रहल बिहार कए बिजली क्षेत्र मे एकटा पैघ जीत भेटल अछि। बिहार कई साल स केंद्र लग इ मांग रखैत रहल छल जे पूर्वी क्षेत्र क अतिरिक्त बिजली दक्षिण भारतीय राज्य क बदला मे बिहार कए देल जाए। इसमाद एहि मसला पर लगातार बिहार क पक्ष उठबैत रहल। केंद्र सरकार आखिरकार बिहारक मांग कए मंजूर करैत पूर्वी क्षेत्र क अतिरिक्त बिजली मे स 150 मेगावाट बिजली बिहार कए देबाक फैसला केलक अछि। इ अतिरिक्त बिजली बिहार कए 26 अप्रैल स भेटत। एहि प्रकार स बिहार क कोटा मे 150 मेगावाट बिजलीक बढोतरी भ गेल अछि। एहि संबंध में कहल जा रहल अछि जे सब बिजली क्षेत्र क अनएलोकेटेड बिजली ओहि क्षेत्रक राज्य कए आवंटित कैल जाइत रहल अछि, मुदा पूर्वी क्षेत्र क अनएलोकेटेड बिजली तामिलनाडु, आंध्रप्रदेश आ केरल सन दक्षिण क्षेत्र कए आवंटित होइत रहल अछि, जेकर बिहार पिछला आठ साल स विरोध करैत आबि रहल छल। बिहार क कहब छल ले पूर्वी क्षेत्रक अनएलोकेटेड बिजली पर बिहार सन पूर्वी क्षेत्रक राज्यक पहिल हक अछि, ताहि कारण स इ बिजली बिहार कए आवंटित कैल जाए। एहि संबंध में बिजली मंत्री विजेंद्र प्रसाद यादव कहला जे बिहार लगातार केंद्र स इ मांग करैत रहल अछि। 2011 में केंद्र सरकार कए एहि संबंध में एकटा पत्र सेहो पठाउल गेल छल। ओ कहला जे पिछला मास केंद्रीय ऊर्जा मंत्री ज्योतिरादित्य सिंधिया स हुनका एहि संदर्भ मे आश्वासन भेटल छल। ओ कहला जे इ बिहारक अधिकार छल जे भेटल अछि। ज्ञात हुए जे पूर्वी क्षेत्र में स्थिति एनटीपीसी संयंत्र स उत्पादित अनएलोकेटेड बिजली मे स 150 मेगावाट 26 अप्रैल स दक्षिण राज्य कए नहि जा बिहार कए देल जाएत। ऊर्जा मंत्रालय एहि संबंध मे आवंटन कए नव रूप मे लागू क अधिसूचना जारी क देलक अछि। सेंट्रल इलेक्ट्रिसिटी अथॉरिटी क संग संग एनटीपीसी कए सेहो एकर जानकारी द देल गेल अछि।
ज्ञात हुए जे पूर्वी क्षेत्र मे बिहार क संग झारखंड, बंगाल, ओडिशा आ सिक्किम अबैत अछि। जखन कि पूर्वी क्षेत्र मे केंद्रीय संयंत्र क रूप कहलगांव (स्टेज एक आ दू), फरक्का आओर तालचर अछि। पन बिजली क संयंत्र तिस्ता, रंगीत क अलावा कुरुच, चूखा, ताला(भूटान) अछि। पूर्वी क्षेत्र मे कुल बिजली उत्पादन 6860 मेगावाट अछि, जाहि मे स 1030 मेगावाट बिजली कोनो राज्य लेल आवंटित नहि अछि। पूर्वी क्षेत्रक एहि गैर आवंटित बिजली समेत कुल 2200 मेगावाट बिजली दक्षिण राज्य कए देल जाइत रहल अछि। बिहारक विरोधक बाद पूर्वी क्षेत्र स आंध्रप्रदेश कए देल जा रहल स बिजली मे स 100 मेगावाट, केरल स 35 आ तामिलनाडु स 15 मेगावाट बिजली आब बिहार कए देल जाएत। जहां धरि बिहारक कोटा क संबंध अछि त फरक्का स्टेज एक -दू स उत्पादित 1600 मेगावाट मे स बिहार कए 65.29 मेगावाट भेटैत अछि। फरक्का स्टेज तीन स उत्पादित 500 मेगावाट मे स बिहार कए 67.27 मेगावाट भेटैत अछि। तालचर स उत्पादित 1000 मेगावाट मे स बिहार कए 397.20 मेगावाट भेटैत अछि। तालचर स उत्पादित 1000 मेगावाट मे स बिहार कए 397.20 मेगावाट भेटैत अछि। कहलगांव स्टेज एक स उत्पादित 840 मेगावाट मे स बिहार कए 337.69 मेगावाट भेटैत अछि। कहलगांव स्टेज दू स उत्पादित 1500 मेगावाट मे स बिहार कए 98.77 मेगावाट भेटैत अछि। पनबिजली संयंत्र क रूप में ताला स उत्पादित 1020 मेगावाट मे स बिहार कए 260.10 मेगावाट भेटैत अछि। चूखा स उत्पादित 270 मेगावाट मे स बिहार कए 80 मेगावाट भेटैत अछि। तिस्ता स उत्पादित 510 मेगावाट मे स बिहार कए 108.43 मेगावाट भेटैत अछि। रंगीत स उत्पादित 60 मेगावाट मे स बिहार कए 21 मेगावाट भेटैत अछि। मुदा एहि मे स एकटा पैघ हिस्सा रेलवे, नेपाल आ आवश्यक सेवा कए देल जाइत अछि।
सम्बंधित खबैर – बिहार क बदला मे आंध्र कए देल जा रहल अछि अनएलोकेटेड कोटाक बिजली
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa
