फेर नहि आयल शाहनवाज क मौका
भूराबाल स बाहर कैल गेल ‘बा’
कैबिनेट जोकर नहि रहल भूमिहारक कद
आशीष झा/ कुमुद सिंह
मोदी मंत्रिमंडलक विस्तार मे बिहार स तीटा आओर सांसद मंत्री बनलाह। मुदा इ विस्तार क रूपरेखा देखि बहुत रास सवाल उठैत अछि। अगिला साल बिहार मे विधानसभा क चुनाव अछि। एहन मे मंत्रिमंडल विस्तार क माध्यम स भाजपा विधानसभा लेल अपन जातीय प्राथमिकता तय क देलक अछि। महागठबंधन क बाद भाजपा क इ प्राथमिकता सूची काफी मायने रखैत अछि। पार्टी तय क चुकल अछि जे ओ बहुसंख्यक आ सामाजिक रूप स मजबूत जाति क भरोसे चुनाव क वैतरणी पार करत। ओकर मंत्री क सूची मे कोनो महादलित या अतिपिछड़ा नहि अछि। संगहि ओ बिहार में ”भूराबाल” मे स ”बा” कए बाहरी मानि चुकल अछि आ एमवाइ समीकरण कए तोडबा लेल ओकर एम से बेसी वाइ पर ध्यान अछि। भाजपा लेल आब ब्राह्मण आ मुसलमान दूनू राजनीतिक रूप स महत्वहीन जाति भ चुकल अछि। ब्राहमण कए उच्चजाति क अभिन्न अंग माननिहार लेल इ संदेश साफ अछि जे अहां भूराबाल क हिस्सा नहि छी। ओना मुसलमानक उपेक्षा भाजपा लेल मुश्किल अछि किया त यादव कए राम भरोसे तोडब मुश्किल अछि। एहन मे बिहारक मुसलिम चेहरा शाहनवाज क बदला में उत्तर प्रदेश स नकबी क चयन बुझबा मे नहि आबि रहल अछि। शाहनवाज कए कोन मौका लेल बचा राखल जा रहल अछि इ त भाजपा कहत, मुदा हिनक उपेक्षा महज चुनाव हारला स नहि कैल जा सकैत अछि। जाहि कैबिनेट में जेटली आ स्मृ्ति सन चुनाव हारल नेता कैबिनेट मंत्री छथि, ओहि ठाम योग्यता आ अनुभव क आधार पर शाहनवाजक दावा त बनैत अछि। वाजपेयी सरकार मे ओ सबस कम बैसक मंत्री छलाह, संगहि हुनक कार्यकाल सेहो नीक कहल जाइत अछि। ओना योग्यता आ अनुभव क आधार पर कैबिनेट विस्तार नहि भ सकल अछि। देखल जाय त बिहार स मंत्री चुनबाक क आधार नहि त अनुभव या योग्यता रहल, नहिये क्षेत्रीय संतुलन आ नहिये जातिगत आधार कए संतुलित करबाक कोशिश एहि मे देखा रहल अछि। राजीव प्रताप रुडी कए राज्यमंत्री क ओहदा कोनो आधार पर न्यायोचित नहि लागि रहल अछि। रुडी मंत्री क संग संग संगठन मे सहो लंबा अनुभव रखैत छथि, एहन में हुनका स कम अनुभव रखनिहार कैबिनेट मे स्थान पाबि लेलक अछि। बिहार में रुसल भूमिहार आइ जरूर मुस्किया रहल छथि, मुदा इ टीस हुनका जरूर अछि जे आइ हुनकर दर्जा कैबिनेट मंत्री क नहि रहल। जहां धरि रामकृपाल क सवाल अछि त हुनकर माध्यम स भाजपा आन दल से नेता कए पार्टी दिस लुभेबाक कोशिश केलक अछि। दरअसल रामकृपाल अपन जातिक वोट केतबा दिया सकता एकर त दावा ओ खुद नहि क सकैत छथि मुदा हुनका मंत्री बना मोदी इ दावा क सकैत छथि जे मंत्री बनबा लेल भाजपा क पुरान वफादार या संघ क सेवक होयब जरूरी नहि अछि। आन दल स भाजपा मे आयल नेताक पार्टी में उपेक्षा नहि कैल जायत अछि। ओना एहि मंत्रिमंडल विस्तार स दूटा गप साफ भ गेल। पहिल त भाजपा ओहि जाति क नेता कए मंत्री बनेलक अछि जे बिहार मे मुखर अछि। गांव स ल कए शहर तक आ चौक स ल कए सोशल मीडिया तक जोर-शोर स बहस करैत अछि। प्रचार क लामबंदी करैत अछि। राजपूत, भूमिहार आ यादव कए रुसला पर बिहार मे मुखर विरोध तेज भ जाइत अछि जाहि स आन जातिक वोटर सेहो लामबंद भ जाइत छथि। ताहि लेल कोनो पार्टी हिनकर विरोध स बचय चाहैत अछि। देखबाक चाही जे नरेंद्र मोदी आ भाजपा एहि मे केतबा सफल होइत छथि।
दोसरसमाचार
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa
बिहार में रोजगार के अवसर लोगो को मिले , पलायन कम हो ये अच्छी बात है , मगर राजनिती के घाट न चट जाए ये योजनाए , आशंका इस बात का है |