मोकामा मे बनत समानांतर पुल, कोसी सेतु लेल 30 करोड

दोसरसमाचार

प्राथमिक शि‍क्षा मे मैथि‍ली भाषाकेँ पढ़ाई लेल चलाओल गेल ट्वीटर ट्रेंड : भारत संगे नेपालक मैथिल लेलनि हिस्सा

January 5, 2021

सात जिला मे बनत बहुउद्देशीय इंडोर स्‍टेडि‍यम, सिंथेटिक एथलेटिक ट्रेक आ स्विमिंग पुल, केंद्र देलक 50 करोड़

December 26, 2020

एम्स मे शिफ्ट होयत डीएमसीएच क सामान, मार्च मे होएत उद्घाटन, नव सत्र स पढाई

December 26, 2020

होटल मैनेजमेंट क पढ़ाई करती बालिका गृह क 16 बालिका लोकनि, 29 कए जायतीह बेंगलुरु

December 24, 2020

सहरसा आ मधेपुरा मे आब मीटरगेज भेल इतिहास

दरभंगा-समस्तीपुर दोहरीकरण लेल 9 करोड

पटना ।  रेल बजट मे बिहार कए कोनो नव ट्रेन वा नव पटरी त नहि भेटल,  मुदा एकटा आर गंगा पर पुल जरूर भेटल । रेलमंत्री सुरेश प्रभु अपन पहिल बजट भाषण मे बिहार लेल कईटा घोषणा केलथि जाहि मे सबसे महत्वपूर्ण अछि ओ अछि मोकामा पुल क दोहरीकरण । एहि बजट मे एहि लेल 20 करोड़ क राशि आवंटित कैल गेल अछि। नवका पुल वर्तमान पुल क सामानंतर बनत ।  एहि सालक बजट मे ओना त नव लाईन क क्षेत्र मे कोनो नव परियोजना स्वीकृत नहि कैल गेल अछि, मुदा पुरान योजना लेल जाहि रूप स आवंटन भेल अछि ओहि स उम्मीद अछि जे एहि साल सहरसा व मधेपुरा मे मीटरगेज इतिहास भ जाएत। आमान परिवर्तन क क्षेत्र मे मानसी-सहरसा, सहरसा-दौरम-मधेपुरा, मधेपुरा-पूर्णिया कए 75 करोड़, जयनगर-दरभंगा-नरकटियागंज लेल 50 करोड़, सकरी-लौकहाबाजार-निर्मली आ सहरसा-फारबिसगंज कए 42 करोड़, जयनगर-विजलपुरा-वाडीदास एक 44 करोड़ क राशि आवंटित कैल गेल अछि। एहि राशि स सहरसा-मधेपुरा क पुरा क्षेत्र ब्राड गेज सिस्टम स जुडि जाएत। तहिना रक्सौल आ नरकटियागंज क बीच आमान परिवर्तन पूरा भेला पर जयनगर-दरभंगा-रक्सौल-नरकटियागंज होएत गोरखपुर स  नई दिल्ली लेल  एकटा नव मार्ग भेटत। एहि स दिल्ली क दूरी कम भ जाएत । एकर अलावा रेल बजट 2015-16  मे रेल दोहरीकरण स जुड़ल किछु नव परियोजना स्वीकृत कैल गेल अछि, मुदा ओकरा लेल पर्याप्त आवंटन नहि कैल गेल अछि । ओना पुल क क्षेत्र मे गंगा नदी पर मुंगेर आ पटना पुल लेल पर्याप्त धन आवंटित कैल गेल अछि । नव लाइन बिछेबा पर खगड़िया-कुशेश्वरस्थान लेल 15 करोड़,  कोसी पुल लेल 30 करोड़,  हाजीपुर-सुगौली वाया वैशाली लेल 80 करोड़  मुख्य आवंटन अछि ।  दोहरीकरण क क्षेत्र मे महेशखूंट-थाना बिहपुर कए 25 करोड़, हाजीपुर-रामदयालु नगर कए 40 करोड़ क राशि आवंटित कैल गेल अछि । दोहरीकरण मे जे नव परियोजना स्वीकृत कैल गेल अछि ओहि मे मुख्यतः किउल-गया कए 36 करोड़, हाजीपुर-बछवारा कए 16 करोड़, समस्तीपुर-दरभंगा कए 09 करोड़, रमना-सिंगरौली कए 36 करोड़, रमना रोड़-विहमगंज कए 04 करोड़, करेला रोड़-महदिया कए 04 करोड़ भेटल। किउल-गया 23 किलोमीटर, समस्तीपुर-दरभंगा 38 किलोमीटर आ हाजीपुर-बछवारा 72 किलोमीटर परियोजना कए पर्याप्त आबंटन नहि भेट सकल अछि ।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa