दोसरसमाचार
पटना। माध्यमिक आ उच्च माध्यमिक विद्यालय क सुरक्षा लेल रात्रि प्रहरी रखबाक निर्णय कए शिक्षा विभाग कड़ाई स पालन करबाक निर्देश देलक अछि। एहि संबंध मे माध्यमिक शिक्षा निदेशक कमल कुमार सिन्हा डीईओ कए पत्र पठा सूचित करि देलथि अछि। निर्देश क अनुसार विद्यालय क सुरक्षा लेल प्राचार्य कए जिम्मेवार बनाउल गेल अछि। विभाग एहि संबंध मे पुरान पत्र क हवाला देलक अछि। 5 जनवरी 2009 कए तात्कालीन माध्यमिक शिक्षा निदेशक भृगुनाथ उपाध्याय सुरक्षा प्रहरी रखबाक निर्देश डीईओ क माध्यम स सबटा प्राचार्य सब कए देने छलाह। मुदा विभागीय आदेश क पालन कतहु नहि भेल। हाल मे भेल बैसार मे प्राचार्य सब एहन कोनो निर्देश क बारे मे अनभिज्ञता जता देलथि। डीईओ कए पठाउल गेल नवका पत्र मे एहि गपक उल्लेख अछि जे जतए एकटा आदेशपाल अछि ओहि विद्यालय क प्रबंध समिति क माध्यम स रात्रि प्रहरी क व्यवस्था कैल जाए।
maithili news, mithila news, bihar news, latest bihar news, latest mithila news, latest maithili news, maithili newspaper
