दोसरसमाचार
प्रकाश पर्व लेल नवकनिया सन सजल अछि पटना
गांधी मैदान (62 एकड़), कंगन घाट (12 एकड़ क्षेत्र) आओर मलाईचक बाईपास (65एकड़ ) मे बनाओल गेल तीन टा टेंट सिटी।
8 लाख लोक क एबाक संभावना, टैंट सिटी मे पचास हजार श्रद्धालू क रहबाक व्यवस्था ।
एकर अलावा गुरूद्वारा बाललीला, कारसेवक भूरी वाला दिस स सेहो तीन टा टैंट शहर बनाओल जा रहल अछि जाहि मे 25 हजार श्रद्धालू क रहबाक अछि व्यवस्था ।
प्रकाश पर्व लेल सफाई पर खर्च करल जा रहल प्रतिदिन 3.5 लाख, 45 दिन क सफाई लेल निर्गत भेल एक करोड़ 65 लाख ।
पर्यटन विभाग गांधी घाट से कंगन घाट तक चलाओत जहाज ।
अशोक राजपथ कए कराओल जाएत जाम मुक्त । तीन दिन लेल वाहन परिचालन रहत बंद ।
सुनील कुमार झा
पटना । सिख धर्म क दशम गुरू श्री गोविन्द सिंह क 350म जयंती मनेबा लेल बिहार तैयार अछि । पूरा पटना शहर जेना सिख धर्म कए अपना लेलक अछि। अधिकारी स ल कए ऑटोे चालक तक बोले सो निहाल कएि कए आगंतुक अभिनंदन करैत अछि। तैयारी क आलम ई अछि जे शहर मे होटल, गेस्ट हाउस आ निजी आ सामाजिक सराय मे कोनो जगह खाली नहि अछि। एकर अलावा छह टा टेंट शहर आ तीस टा प्राईवेट परिसर बुक कए लेल गेेल अछि । गाँधी मैदान क 62 एकड़ जमीन, मलाईचक बाई पास क 65 एकड़, आ कंगन घाट क 12 एकड़ जमीन पर बनाओल जा रहल अछि टेंट घर । टैंट मे गर्मपाइन क व्यवस्था सेहो रहत । राज्य सरकारक मुताबिक एहि टेंट शहर मे पचास हजार स बेसी श्रद्धालु क ठहरबा क व्यवस्था अछि । एहि क संगे गुरूद्वारा बाललीला, कारसेवक भूरी वालाा समिति सेहो टेंट घर बना रहल अछि । एहि टेंट घर मे 25 हज़ार स बेसी श्रद्धालु क रहबाक व्यवस्था अछि । एहि क अलावा तीस टा प्राइवेट परिसर मे सेहो रहबाक व्यवस्था करल गेल अछि । टेंट घर मे बुकिंग नि:शुल्क अछि । बुकिंग ऑनलाईन आ ऑफलाईन दूनू तरह स भए रहल अछि । ऑफलाईन बुकिंग लेल टॉल फ्री नंबर सेहो जारी कैल गैल अछि । कुनू तरहक कुव्यवस्था वा गड़बड़ नहि होए एहि लेल बुकिंग लेल काग़जात क नीक जेंका जॉंच भए रहल अछि । अखैन धरि एहि टैंट घर लेल 25 हजार बुकिंग भए चुकल अछि । एकटा अनुमान क मोताबिक करीब 8 लाख श्रद्धालु क एबाक अनुमान अछि जेकरा लेल पटना नीक जेंका तैयार अछि । एहि लेल रेलवे आ एयरपोर्ट पर विशेष व्यवस्था कैल गेल अछि। 3 स 5 जनवरीक दौरान कईटा विशेष ट्रेन पटना आउत। एयरपोर्ट पर दू कए बदला मे एकसंग चारिटा जहाजक ठहरबा लेल व्यवस्था कैल गेल अछि। सुरक्षाक पुख्ता इंतेजाम कैल गेल अछि आ कईटा जोन मे बांटी शहर क निगेहबानी कैल जा रहल अछि।
एहि पर्व मे श्रद्धालु क गुरूद्वारा जाए मे कोनो दिक्कत नहि होए एहि लेल पर्यटन विभाग गंगा घाट से कंगन घाट तक जहाज चलाओत । बिहार पर्यटन विकास निगम एहि क लेल छोट-छोट जहाज गांधी घाट से कंगन घाट क लेल चलाओत । 25 दिसम्बर से एकर संचालन शुरू कैल जाएगा । 10 जनवरी तक लगातार एकर संचालन होएत । श्रद्धालु क लेल ई सुविधा बिल्कुल मुफ्त रहत । बिहार पर्यटन विकास निगम क जीएम राकेश मोहन बतेलथि जे प्रकाश पर्व कए लकए सिख श्रद्धालू कए गंगा क रास्ता गुरुद्वारा लए जेबाक तैयारि अछि । गांधी घाट से जहाज रोजाकना भोर आठ बजे खुलत आओर महज आधे घंटा मे कंगना घाट पहुंचाओत । पूरा दिन ई जहाज गांधी घाट से कंगना घाट लेल चलत । एहि जहाज क क्षमता 30 से 35 लोगक अछि । एहि क संग 12 सीट वला दू टा मोटर बोट सेहो चलत । यानी एक बेर मे 50 से 60 लोग जा सकत । एहि क अलावा गंगा दियारा भ्रमण क लेल सेहो अलग जहाज क व्यवस्था अछि । श्रद्धालू कए फ्लोटिंग बोट से दियारा क सैर कराओल जाएत । एहि बोट पर स्नैक्स आ कोल्ड ड्रिंक क व्यवस्था सेहो रहत ।
