दिल्ली : प्रधानमंत्री नरेंद्र मोदी क जन्मदिन पर 17 सितंबर एक देवघर कए एयरपोर्टक सनेस भेटत. एहि दिन पीएम मोदी देवघर इंटरनेशनल एयरपोर्ट क उद्घाटन करताह. दिल्ली मे गोड्डाक सांसद डॉ निशिकांत दुबे क प्रस्ताव पर केंद्रीय नागरिक उड्डयन राज्यमंत्री हरदीप सिंह पुरी देवघर एयरपोर्ट क काज कए फाइनल करबाक संगहि एकर उद्घाटन क टाइम लाइन सेहो तय क देलथि.
- देवघर एयरपोर्ट
– AAI, रक्षा अनुसंधान आ विकास संगठन आ राज्य सरकार क सहयोग
– 500 करोड़ रुपया लागत
– 653.75 एकड़ भूमि
– 4000 स्कावायर मीटर में टर्मिनल भवन
– 2500 मीटर लंबा रनवे
– एयरबस 320 उतरा लेल उपयुक्त
– 6 चेक इन काउंटर, 200 यात्रीक क्षमता
– टर्मिनल भवन क डिजाइन झारखंड क संस्कृति क अनुसार
9 माह स अटकल छल एप्रोच रोड
देवघर एयरपोर्ट कए शहर स कनेक्ट करबा एप्रोच रोड क काज आब एयरपोर्ट अथॉरिटी ऑफ इंडिया करत. सांसद दुबे क अनुरोध पर केंद्रीय मंत्री करीब डेढ़ किलोमीटर क एप्रोच रोड लेल सहमति द देलथि अछि. पिछले 9 माह स राज्य सरकार एहि फाइल कए अटका कए रखने अछि. एहि कारण स काज संपन्न हेबा मे देरी भ रहल छल. एहि लेल 1.1 किलोमीटर जमीन क एरिया एयरपोर्ट अथॉरिटी ऑफ इंडिया क अधीन अछि.
केंद्रीय मंत्री सहमति दैत कहला जे अप्रोच रोड क काज एयरपोर्ट अथॉरिटी ऑफ इंडिया अपने करत. 31 जुलाई तक सबटा काज भ जायत. आगामी 17 सितंबर, 2021 कए एकर विधिवत एयरपोर्ट स हवाई सेवा शुरू क देल जायत. केंद्रीय मंत्री हरदीप सिंह पुरी अपन ट्विटर अकाउंट स सेहो एयरपोर्ट क काज क टाइम लाइन तय करबाक जानकारी देलथि अछि. सांसद कहला अछि जे लॉकडाउन क वजह स देवघर एयरपोर्ट क काज धीमा भ गेल छल मुदा आब इ समय स पूरा होएत.
3 राज्य कए होएत सुविधा, श्रद्धालु कए भेटत लाभ
सांसद कहला जे बाबा बैद्यनाथ धाम एकटा धार्मिक आ ऐतिहासिक शहर अछि. एहि ठाम सब साल 5 करोड़ श्रद्धालु बाबा क दर्शन करबा लेल अबैत छथि. देवघर एयरपोर्ट चालू भेला स झारखंड, बिहार आ बंगाल क लोक कए फायदा होएत संगहि देवघर बाबा क दर्शन करबा लेल एनिहार यात्री कए सेहो सुगमता होएत. कोलकाता, पटना, बागडोगरा आ रांची एयरपोर्ट क बीच में देवघर एयरपोर्ट एकटा मुख्य सेतु बनत. देवघर एयरपोर्ट कए चालू भेला स धार्मिक पर्यटनक विकास संगहि इलाकाक आर्थिक विकास सेहो तेजी स होएत. संताल परगना क 6 जिला क अलावा गिरिडीह, धनबाद, आसनसोल, मालदा, रामपुरहाट, भागलपुर, बांका आ जमुई जिला क यात्री लेल आवागमन मे सुविधा होएत. देवघर एयरपोर्ट देश क सुरक्षा लेल सेहो अहम अछि.
देवघर एम्स ओपीडी मे बाहर स आबि सकत लोग
सांसद डॉ निशिकांत दुबे कहला जे जून दोसर सप्ताह मे देवघर एम्स क ओपीडी क उद्घाटन होएत. देवघर एम्स पूर्वी भारत लेल काफी महत्वपूर्ण छै. देवघर एयरपोर्ट चालू भेला स ओपीडी मे इलाज लेल बाहर स मरीज आबि सकत. दरभंगाक जिक्र करैत सांसद कहला जे दरभंगा एयरपोर्ट चालू भेला स जेना दरभंगा क संगहि पूरा तिरहुतक इलाका विकसित भ रहल अछि तहिना देवघर एयरपोर्ट चालू भेला स देवघर क संगहि पूरा संताल परगना तेजी स विकसित होएत.