पटना : साल 2020 क बिहार विधानसभा चुनाव क दौरान कोन राजनीतिक दल कए केतबा आय भेल आ के केतबा टका खर्च केलक ? एकर लेखा जोखा ADR (Association For Democratic Reforms) अपन रिपोर्ट जारी केलक अछि. रिपोर्ट क मुताबिक राजनीतिक दल क पिछला चुनाव क तुलना मे चुनावी खर्च घटि गेल अछि. 2015 क विधानसभा चुनाव मे बिहार क सब राजनीतिक पार्टी सब जतय 150.99 करोड़ खर्च केने छल ओतहि 2020 क चुनाव मे सब दल 81.86 करोड़ खर्च केलक अछि.
भाजपा खर्च करबा मे सबस आगू, कमाई मे पीछु
बिहार विधानसभा चुनाव 2020 क दौरान भाजपा 35.83 करोड़ क आय घोषित केलक अछि, जो JDU (55.607 करोड़), BSP (44.581
करोड़) आ कांग्रेस (44.536 करोड़) क बाद चारिम सबस पैघ राशि अछि. मुदा, खर्च क मामला मे भाजपा सबस आगू रहल. भाजपा
54.721 करोड़ क खर्च देखेलक अछि, ओकर बाद कांग्रेस 12.352 करोड़, JDU 9.851 करोड़ आ BSP 4.794 करोड़ क व्यय
घोषित केलक अछि. बिहार विधानसभा चुनाव 2015 मे सब दल क कुल व्यय 150.99 करोड़ छल, जाहि मे स भाजपा सबस बेसी
103.76 करोड़ क खर्च घोषित केने छल. ओकर बाद समाजवादी पार्टी (15.65 करोड़), JDU (13.63 करोड़) और कांग्रेस (9.88
करोड़) क धनराशि खर्च केने छल.
उम्मीदवार क भुगतान पर बेसी खर्च
2020 बिहार चुनाव मे राजनीतिक दल उम्मीदवार क भुगतान राशि पर सबस बेसी 46.5933 करोड़ क खर्च घोषित केलक अछि, जे
दल द्वारा कुल खर्च क 35.827% अछि. एकर बाद यात्रा पर कुल 37.324 करोड़ (28.70%) आ प्रचार पर दल कुल मिलाकए
36.73 करोड़ रुपए खर्च केलक, जबकि विधानसभा चुनाव 2015 क दौरान चुनाव लड़निहार राजनीतिक दल सब प्रचार क माध्यम पर सबस बेसी 74.97 करोड़ क राशि खर्च केने छल. एकर बाद यात्रा व्यय पर 59.32 करोड़, उम्मीदवारों क भुगतान पर 46.618 करोड़ आ
अन्य खर्च पर 9.902 करोड़ क राशि घोषित केने छल. राजनीतिक दल यात्रा पर भेल खर्च क 98.12 फीसदी अपन स्टार प्रचारक क
दौरा पर खर्च केलक जे 36.62 करोड़ छै.
128 दिन बादो राजद, लोजपा सहित 7टा दल नहि देलक ब्योरा
नियम क मुताबिक राजनीतिक दल कए चुनाव क अंतिम तिथि क 75 दिन क अंदर अपन खर्च क ब्योरा चुनाव आयोग कए देबाक छै. एहि मामला मे सबस नीक प्रदर्शन ओवैसी क पार्टी AIMIM क अछि, ओ एक दिनक देरी नहि केलक. अपन बेहतर पार्टी प्रबंधन लेल प्रसिद्ध भाजपा 48 दिन क देरी केलक. जदयू 21 दिन आ कांग्रेस 43 दिन क देरी केलक. BSP 63 दिन क देरी केलक, मुदा राजद, लोजपा आ CPI सन 7टा दल चुनावी खर्च चुनाव आयोग क वेबसाइट पर एखन धरि नहि जमा केलक अछि.