दोसरसमाचार
समदिया
पटना । देश मे बढि रहल महिला पर हमलाक बीच नेता सबहक आबि रहल विवादित बयान आ व्यवहार चर्चक विषय बनल अछि। देश मे महिला पर अपराध करबा मे सबस आगू महाराष्ट्रक नेता छथि। महाराष्ट्रक नेता पर सबस बेसी मुकदमा महिला पर अपराध क आरोप मे अछि। महाराष्ट्र क हाल सबस खराब अछि। एसोसिएशन ऑफ डेमोक्रेटिक रिफॉर्म आ नेशनल इलेक्शन वॉच क रिपोर्ट क अनुसार भाजपा मे एहन सांसद आ विधायकक संख्या सबस बेसी अछि जिनका पर महिलाक खिलाफ आपराधिक मामला चलि रहल अछि। दूनू संस्था वर्तमान सांसद आ विधायकक 4896 मे स 4845 मामला क विश्लेषण केलक अछि। एहि मे स 1580 सांसद आ विधायक क खिलाफ आपराधिक मामला छल। ओहि मे स 48 क खिलाफ महिला क खिलाफ आपराधिक मामला दर्ज छल। एहि मामला मे भाजपा सबस आगू रहल। एकर बाद शिवसेना आ फेर टीएमसी। भाजपा क 12, शिवसेना क 7 आ टीएमसी क 6 सांसद आ विधायक क खिलाफ महिला क खिलाफ आपराधिक मामला दर्ज अछि।
रिपोर्ट कहैत अछि जे पिछला पांच साल मे भाजपा 47 एहन उम्मीदवार कए, जिनका पर महिला क खिलाफ आपराधिक मामला क आरोप छल, हुनका टिकट देलक। बसपा एहन 35 उम्मीदवार आ कांग्रेस 24 उम्मीदवार कए टिकट देलक।
राज्य क मामला मे महाराष्ट्र 12 सांसद आ विधायक संग सबस आगू अछि ओकर बाद पश्चिम बंगाल फेर ओडिशा आ आंध्र प्रदेश क स्थान अबैत अछि। महिला क खिलाफ कैल गेल एहि अपराध मे महिलाक अस्मिता कए नुकसान पहुंचेबाक, अपहरण आ ज़़बरदस्ती विवाह करबा सन मामला दर्ज अछि। एडीआर सिफारिश केलक अछि जे जाहि उम्मीदवार क खिलाफ गंभीर आरोप अछि हुनका चुनाव लड़बा स रोकल जाये आ राजनीतिक पार्टी कए इ बतेबाक चाही कि ओ कौन मजबूरी मे एहन लोक कए अपन उम्मीदवार बनबैत छथि।
इ रिपोर्ट तखन आयल अछि जखनभाजपा विधायक कुलदीप सिंह सेंगर क ऊपर एकटा नाबालिग संग बलात्कार करबाक गंभीर आरोप लगाल अछि।
