दोसरसमाचार
देश क राजनीति मे महत्वपूर्ण भूमिका निभाबै वाला बिहार क कईटा कद्दावर नेता क सर-संबंधी एहि बेर क लोकसभा चुनाव मे अपन किस्मत आजमेबा लेल मैदान मे छलाह, मुदा ओीि मे स केवल छह प्रत्याशी कए छोडि़कए शेष सबटा कए जनता नकारि देलक। लोकसभा चुनाव क दौरान टिकट वितरण मे परिवारवाद क झलक साफ देखल गेल आओर कद्दावर नेतासर-संबंधी कतहु नहि कतहु स टिकट प्राप्त करि कए चुनावी दंगल मे कसरत करैत नजरि एलाह। सबस रोजक त रहल पप्पू यादव क परिवार। हुनकर कनिया, माई आ बहिन तीनू चुनाव मे हारि गेलखिन।
पटना। सत्ता मे अपन पहुंच बनेबा लेल नेता परिवारवाद क त सहारा लैत रहला अछि। गांधी परिवार देशक सबस मजबूत राजनीकि परिवार अछि। करूणानिधि अपन बेटा-बेटी कए मंत्रिमंडल मे स्थान दियेबा लेल दिल्ली स चैन्नई लौट गेलाह। अजुर्न सिंह बेटीक टिकट लेल अपन कुर्सी गंवा देलथि। मुदा बिहार मे एहि बेर जनता परिवारवाद कए नकारि देलक। देशक जनताक भाव स अलग बिहारक मतदाता नेताक एहि खेल कए बुझि चुकल अछि। जनता कांग्रेस क एकटा, राज्य मे सत्तारूढ़ जनता दल यूनाईटेड क दोटा आओर भारतीय जनता पार्टी क तीनटा प्रत्याशी कए छोडि़ कए शेष सबटा कए नकारि देलक। जखन कि एहि बेर क चुनाव मे कांग्रेस स 13, लोक जनशक्ति पार्टी स 3, राष्टï्रीय जनता दल, राष्टï्र सेवा दल आ सर्वजन समाज पार्टी स एक-एकटा, भारतीय जनता पार्टी स तीनटा आ जनता दल यूनाइटेड स दूटा दिग्गज नेता क संबंधी या परिवारक लोक कए टिकट देल गेल छल। एहि मे स पूर्व उपप्रधानमंत्री स्व जगजीवन राम क बेटी आ कांग्रेस प्रत्याशी मीरा कुमार सासाराम (सु) क्षेत्र स, भारतीय जनता पार्टी क प्रत्याशी आ बिहार क पूर्व मंत्री स्व. बृजबिहारी प्रसाद क कनिया रमा देवी शिवहर स, भाजपा के पूर्व सांसद मदन जायसवाल क पुत्र संजय जायसवाल पश्चिम चंपारण स आओर पूर्व मुख्यमंत्री भागवत झा आजाद क पुत्र भाजपा प्रत्याशी कीर्ति झा आजाद दरभंगा स जीतबा मे सफल रहलाह। बिहार क पूर्व मंत्री रघुनाथ पांडेय क पुतहु विनीता विजय मुजफ्फरपुर स, पूर्व मंत्री संजय सिंह क पत्नी सुनीला देवी नवादा स, पूर्व मुख्यमंत्री सत्येन्द्र नारायण सिन्हा क पुत्र निखिल कुमार औरंगाबाद स, पूर्व मुख्यमंत्री राबड़ी देवी क भाई अनिरुद्ध प्रसाद उर्फ साधु यादव पश्चिम चंपारण स, निवर्तमान सांसद राजेश रंजन उर्फ पप्पू यादव क कनिया रंजीत रंजन सुपौल स, हुनकर माई शांतिप्रिया देवी पूर्णिया स चुनाव हारि गेलीह। एहिना पूर्व सांसद आनंद मोहन क पत्नी लवली आनंद शिवहर स, विधानसभा क पूर्व उपाध्यक्ष स्व. शकुर अहमद क पुत्र पूर्व केंद्रीय गृह राज्यमंत्री डॉ शकील अहमद मधुबनी स, पूर्व केंद्रीय मंत्री बालेश्वर राम क पुत्र अशोक कुमार समस्तीपुर स, पूर्व मंत्री महाबीर चौधरी क पुत्र अशोक चौधरी जमुई स, पूर्व सांसद चन्द्रभानु देवी क पुत्री अमिता भूषण बेगूसराय स आ पूर्व मंत्री प्रभावती गुप्ता क पुत्र अरविन्द्र कुमार गुप्ता पूर्वी चंपारण स चुनावी मैदान मे उतरल छलाह, मुदा जनता नकारि देलक। नवादा स लोक जनशक्ति पार्टी क टिकट पर निवर्तमान सांसद सूरज सिंह उर्फ सूरज भान क कनिया वीणा देवी, समस्तीपुर स लोजपा क राष्टï्रीय अध्यक्ष रामविलास पासवान क भाई रामचन्द्र पासवान आ हाजीपुर स स्वयं पासवान कए सेहो हार क सामना करैय पड़ल। सीवान स निवर्तमान सांसद मोहम्मद शहाबुद्दीन कए कनिया हीना शहाब कए सेहो पराजय क मुंह देखय पड़ल। लोजपा अध्यक्ष रामविलास पासवान क ममेरे भाई महेश्वर हजारी समस्तीपुर (सु) स जदयू क टिकट पर, जखनकि जदयू क पूर्व सांसद स्व. अजित सिंह क पत्नी मीणा सिंह आरा स चुनाव जीतबा मे कामयाब रहलीह।
