ज्योत्सना मिश्रा
राजगीर। चीन मे कांच क बनल पुल (ग्लास ब्रिज) क विषय मे अहाँ सब बहुत सुनने होयब। फोटो आ वीडियो सेहो देखने होयब। एकरा नजदीक सँ देखय क कामना आ अई पर चलबाक हसरत सेहो भेल होयत। त अहाँक इ कामना जल्द पूरा होबयवला अछि। पांच टा पहाड़ी सँ घेरल बिहार क राजगीर में ग्लास ब्रिज बनि क तैयार भ रहल अछि। एहि नव वर्ष मे पर्यटक लेल इ खोलल जायत।
चीनक सन पर्यटक लेल तैयार भेल
बिहार क पहिल ग्लास ब्रिज (85 फुट लंबाई, 06 फुट चौड़ाई) एखने सँ लोकक मन मोहि रहल अछि। अंतरराष्ट्रीय पर्यटक स्थल राजगीर मे जाड़क दिन मे बहुत संख्या मे पर्यटक आबय छथि। अइ बेर हुनका एतौ अलगे रोमांच क अनुभव होयत। अय ठाम क घन जंगल मे नेचर सफारी सेहो ( 500 एकड़ में) बनाओल जा रहल अछि। एतै अहाँक भेटत ग्लास स्काइ ब्रिज, जे लगभग तैयार भ गेल अछि। इ पूरा शीशा आर स्टील क फ्रेम सँ बनल अछि।
250 फुट क ऊंचाई पर बनल एहि ट्रांसपैरेंट ब्रिज पर चलनाय रोमांचकारी अनुभव होयत। अए पर चलि कए लोक अपना के हवा मे महसूस करता। एहि ब्रिज कए चीन क देखा-देखि हेबई प्रांत क एस्ट तैहांग मे बनल स्काइ वॉक क तर्ज पर बनाओल गेल अछि। ई बिहार क पहिल आ देश क दोसर ब्रिज अछि। देश क पहिल ग्लास स्काइ ब्रिज सिक्किम क पोलिंग में बनल अछि। अनुमान अछि जे नया साल क मार्च तक इ आम लोक लेल प्रारंभ् भ जायत।
अय ग्लास ब्रिज कए चीन मे बनल 120 मीटर ऊंच कांचक पुल क तर्ज पर बनाओल गेल अछि। ऐहि ठाम पुल पर चलि क लोक अपन नीचा क धरती कए देख कए आनंद सेहो ल सकैत छथि। एहि नब वर्ष मे बिहार क लेल इ बड़का सनेस अछि। राजगीर मे वेणुबन के अंतगर्त जू सफारी आ नेचर सफारी क शुभांरभ सेहो होएत। सातम बेर बिहार क बागडोर लेलाक क 16 दिन बाद मुख्यमंत्री नीतीश कुमार अय ठाम क दौरा क निरीक्षण केने छलखिन। इ हुनकर ड्रीम प्रोजेक्ट क रूप मे जानल जाएत।
बिहार कए 2021 मे भेटैयवाला बड़का सनेस
4 KM क लम्बाई मे जंगल मे वन्य जीव पक्षी आ तितली क बीच अहाँ जेबै भुतियाइ ग्लास ब्रिज औकर हिस्सा अछि। एकर काज लगभग पूरा भ गेल अछि। जई क ऊपर चलि कय अहाँ रोमांचित महसूस करब। संगे संगे एहि ठाम रत्नागिरि पर्वत पर अत्याधुनिक आठ शीटर रोप वे क निर्माण कएल जा रहल अछि। जेकरा बड जल्दी आम जनता क लेल खोलल जाएत। इ वेणुवन विहार भगवान बुद्ध सँ जुड़ल अनुयायी सब क लेल बेसी महत्व राखत। अहि वेणुवन में भगवान बुद्ध राजगीर मे अनेकों वर्ष तक निवास केयने रहथि।
दोसरसमाचार
