दोसरसमाचार
पटना। मुख्यमंत्री नीतीश कुमार अपन संपत्ति क पूरा विवरण द देलथि अछि। मुख्यमंत्री सचिवालय क अनुसार सब मंत्री अपन संपत्ति क पूरा विवरण मुख्यमंत्री कए सौंप देलथि अछि। कैबिनेट सचिव अफजल अमानुल्लाह स जखन एहि संबंध मे गप भेल त ओ कहला जे पूरा विवरण कए वेबसाइट पर राखि देल गेल अछि। नीतीश सरकार में सबस धनीक मानव संसाधन मंत्री पीके शाही छथि, हुनका लग करीब चारि करोड क संपत्ति अछि, जखन कि श्रम मंत्री जनार्दन सिंह सिग्रीवाल क लग मे सबस कम राशि अछि। हुनका लग मे नकद क नाम पर मात्र पांच हजार टका अछि आ वाहन क नाम पर एकटा मार्शल जीप। 10 ग्राम सोना अछि आ 6 लाख क एलआइसी। पैतृक जमीन जरूर अछि मुदा सिग्रीवाल सेहो कर्जदार छथि।
मंत्री द्वारा संपत्ति क विवरण मे बड रोचक अंदाज मे जानकारी देल गेल अछि। गाय स लकए स्कूटर आ रिवाल्वर आ रायफल तक क सूचना सेहो अछि। पथ निर्माण मंत्री नंदकिशोर यादव कहला जे हुनका लग मे वाहन क नाम पर दूटा अंबेसडर कार आ एकटा स्कूटर अछि। खाद्य आपूर्ति एवं उपभोक्ता मामला क मंत्री श्याम रजक क बैंक मे 2.64 आ 4.66 लाख टका अछि। दसटा एलआईसी पालिसी अछि आ दस हजार क बांड। पटना मे दूटा प्लाट अछि, मुदा ओ कर्जदार सेहो छथि। विधि मंत्री नरेंद्र नारायण यादव क लग मे नकद केवल 85 हजार टका अछि। एकटा बोलेरो अछि। तीनटा बैंक एकाउंट आ ओहि मे 41 हजार टका अछि। कनिया लग मे 50 ग्राम सोना आ दूटा गाय अछि। नरेंद्र नारायण यादव सेहो कर्जदार छथि। विज्ञान आ प्रौद्योगिकी मंत्री गौतम सिंह अपन रायफल आ रिवाल्वर तक क जानकारी सार्वजनिक करि देलथि अछि। हुनका लग मे एकटा स्कार्पियो अछि। एक लाख क एनएससी आ तीनटा पैतृक मकान अछि। तीनटा बैंक एकाउंट अछि। एकटा एकाउंट मे 8.11 लाख जमा अछि।
नीतीश कुमार, मुख्यमंत्री चल सम्पत्ति । नकद-31760, बैंक मे जमा करीब 57 हजार, कार 2003 माडल क सैंट्रो, 47 हजार क गहना आ करीब 1.67 लाख क गाय, टीवी-फ्रिज, एसी, कूलर आदि)। अचल सम्पत्ति: दिल्ली मे फ्लैट, वर्तमान मूल्य 40 लाख। देनदारी: पटना एसबीआई सचिवालय शाखा मे 1.93 लाख क कर्ज। पुत्र निशांत क नाम 1769 नकद, बैंक मे जमा करीब 41 लाख, विभिन्न फंड मे करीब 1.10 लाख बाजार मूल्य, डाकघर योजना मे करीब 14 लाख, स्वर्णाभूषण- 9.2 लाख, कृषि भूमि- 6 एकड़ 96 डिसमिल वर्तमान बाजार मूल्य 31.34 लाख। गैर कृषि भूमि-कल्याण बिगहा मे 7 डिसमिल आ पीपुल्स को-आपरेटिव कालोनी कंकड़बाग मे 2524 वर्गफुट मे मकान, आवासीय/व्यावसायिक भवन-कल्याण बिगहा मे 1.31 लाख क आ बख्तियारपुर मे 8.27 लाख क।
सुशील कुमार मोदी, उप मुख्यमंत्री नकद करीब 26 हजार, बैंक मे 10.56 लाख। बांड-शेयर आदि 1.83 लाख। एनएससी-एलआईसी 1.89 लाख। मारूति स्विफ्ट। आभूषण 1.52 लाख। अन्य सम्पत्ति 5.26 लाख। गाजियाबाद मे पत्नी क साथ संयुक्त नाम पर 1610 वर्गफुट 14.49 लाख आ यूपी क गौतम बुद्ध नगर मे पत्नी क संग संयुक्त 36.70 लाख क भवन। देनदारी आईसीआईसीआई दिल्ली क 29.50 लाख। रिश्तेदार स 10.70 लाख क कर्ज। सरकारी बकाया 2.50 लाख। पत्नी क नाम नकद 9400, बैंक मे 15 लाख, बांड-शेयर मे 30700, एनएससी-एलआईसी 1.33 लाख, आभूषण 6.84 लाख। पुत्र उत्कर्ष क नाम नकद 6500, बैंक मे 6.45 लाख, बांड-डिबेंचर 1800, डाकघर मे 2.22 लाख। आभूषण 85500 क। दोसर पुत्र अक्षय क लग मे नकद 5500, बैंक मे करीब 7 लाख। बांड-शेयर आदि मे 1800, डाकघर मे 2.22 लाख। आभूषण 76000 क।
नंदकिशोर यादव, पथ निर्माण मंत्री 15 हजार नकद, बैंक मे जमा करीब 18 लाख, एनएससी आ एलआईसी प्रीमियम 1.09 लाख, दूटा एम्बेसडर कार आ बजाज स्कूटर आ 2.02 लाख क आभूषण। एकर अलावा 17 लाख क गैर कृषि भूमि आ फतुहा मे औद्योगिक परिसर मे 10 लाख क प्लाट। देनदारी शून्य।
रमई राम, राजस्व मंत्री नकद 25 हजार, बैंक एफडी 9.91 लाख, बैंक मे जमा करीब 12 लाख। एनएससी-एलआईसी करीब 4.90 लाख। एम्बेसडर कार। स्वर्णाभूषण 1.30 लाख। मुजफ्फरपुर मे 2 लाख क जमीन। पत्नी क नाम नकद 1 लाख, बैंकों मे करीब 8 लाख, एनएससी-एलआईसी करीब 90 हजार आ 4.17 लाख क आभूषण। मुजफ्फरपुर मे तीनटा स्थान पर करीब 14.50 लाख क 172 डिसमिल जमीन। मुजफ्फरपुर आ पटना मे 50 लाख क व्यावसायिक आ आवासीय भवन।
वृशिण पटेल, सूचना मंत्री नकद 5 लाख। बैंक मे जमा 18.76 लाख। बांड-डिबेंचर आदि 5.50 लाख, एनएससी-एलआईसी आदि करीब 5 लाख। मारूति स्विफ्ट कार। कृषि भूमि 32.5 लाख, पटना मे 48.50 लाख आ हाजीपुर मे 38.25 लाख क भवन। पत्नी क बैंक मे जमा 5.15 लाख, एनएससी-75 हजार, आभूषण 5.24 लाख लगभग। पुत्री क नाम बैंक मे 1.21 लाख। देनदारी शून्य।
स्वास्थ्य मंत्री अश्विनी चौबे: नकद 55 हजार, बैंक मे 5.14 लाख, डाकघर-एलआईसी आदि 8.29 लाख, टाटा सफारी, आभूषण- करीब 2.39 लाख। कृषि आ पैतृक भूमि 15 लाख। संयुक्त भवन 7 लाख क। बैंक लोन 5.26 लाख। सरकारी बकाया 34586 रुपए। पत्नी क नाम नकद 90 हजार, बैंक मे 1.38 लाख। डाकघर-एलआईसी मे 13.40 लाख। आभूषण करीब 5 लाख। पटना क एसके पुरी मे फ्लैट 34.71 लाख क। सरकारी बकाया 2 लाख।
विजय कुमार चौधरी, जल संसाधन मंत्री नकद 24 हजार, बैंक मे 1.90 लाख, शेयर 1.50 लाख, दूटा बीमा पालिसी 1.30 लाख, मारूति अल्टो, आभूषण 20 हजार। अचल सम्पत्ति-कृषि भूमि समस्तीपुर मे 12 कट्ठा 16 धुर 25 लाख क, समस्तीपुर मे चारि लाख क भवन। देनदारी शून्य। पत्नी क लग मे नकद 1.54 लाख, बैंक मे 13705 टका, यूटीआई मे 30 हजार, दूटा बीमा पालिसी 79 हजार, आभूषण 4 लाख, अन्य सम्पत्ति 11.89 लाख। अचल सम्पत्ति- पटना क गोला रोड मे 2.75 कट्ठा 8 लाख रुपए क।
चंद्रमोहन राय, लोक स्वास्थ्य अभियंत्रण मंत्री नकद 20 हजार, बैंक मे संयुक्त खाता सहित करीब 25 लाख, म्युचुअल फंड-शेयर मे करीब 23 लाख, एसबीआई मे एफडी 1 लाख। तवेरा 5.75 लाख। अचल सम्पत्ति- कृषि भूमि राम नगर मे 5.64 लाख। भवन पैतृक 2 लाख, ग्रेटर नोयडा मे फ्लैट 800 वर्गफुट 10 लाख क, दोनाली बंदूक 15 हजार क, राइफल 30 हजार क। देनदारी शून्य। पत्नी क नाम नकद 10 हजार, बैंक मे 3.57 लाख, एफडी 2.42 लाख, बीमा 8.19 लाख, आभूषण 3 लाख। अचल सम्पत्ति 8.10 लाख क। भवन पटना क जमाल रोड मे 20 लाख क फ्लैट।
परवीन अमानुल्लाह, समाज कल्याण मंत्री नकद 30 हजार, बैक मे 2.64 लाख, शेयर 1.20 लाख, बीमा 5 लाख, स्कार्पियो, आभूषण 15 लाख, .22 बोर क रिवाल्वर 40 हजार क। अचल सम्पत्ति – कृषि भूमि पटना मे 20 कट्ठा पांच लाख क। नयी दिल्ली क मयूर विहार मे फ्लैट 25 लाख क। पति अफजल अमानुल्लाह वरीय आईएएस अधिकारी । नकद 96 हजार, बैंक मे 10.29 लाख, शेयर-बांड आदि मे 2 लाख, बीमा 6.75 लाख, मारूति वैगन-आर, आभूषण 4 लाख, रिवाल्वर 67 हजार क, राइफल 30 हजार क, दोनाली बंदूक 20 हजार क। अचल सम्पत्ति- गैर कृषि भूमि पटना मे 2.1 कट्ठा 5.5 लाख क। एकर अतिरिक्त पटना, पुणे मे भवन-सम्पत्ति।
