दोसरसमाचार
नई दिल्ली। संघ लोक सेवा आयोग (यूपीएससी) द्वारा लेल गेल प्रतिष्ठित सिविल सेवा परीक्षा मे एक बेर फेर बिहार क जलवा देखल गेल। जखन कि मैथिली भाषा कए विषय बनेनिहार सेहो पताका फहरेबा मे पाछु नहि रहलाह। ओना शीर्ष दूटा स्थान एक बेर फेर महिला उम्मीदवार क झोडी मे गेल। इ लगातार दोसर साल रहल जखन एहि परीक्षा मे महिला प्रथम आ द्वितीय टॉपर रहलथि।
यूपीएससी द्वारा आइ घोषित परिणाम क अनुसार शेना अग्रवाल परीक्षा मे पहिल स्थान हासिल केलथि अछि। ओ अखिल भारतीय आयुर्विज्ञान संस्थान (एम्स) स बैचलर ऑफ मेडिसिन एंड बैचलर ऑफ सर्जरी (एमबीबीएस) क पढाई केने छथि। ओतहि, टाटा इंस्टीट्यूट ऑफ सोशल साइंसेज स सामाजिक उद्यम मे स्नातकोत्तर क पढाई क चुकल रुक्मिणी रायर दोसर स्थान हासिल केलथि अछि। ज्ञात हुए जे पिछला साल एस दिव्यदर्शिनी पहिल आ श्वेता मोहंती दोसर स्थाप पर रहथि। एहि बेर आईआईटी दिल्ली स एमटेक क डिग्री लेनिहार प्रिंस धवन तेसर स्थान हासिल केलथि अछि। जखन कि परीक्षा मे मैथिली कए मुख्य विषय बनेनिहार मे स दरभंगाक सौरव झा सूची मे स्थान प्राप्त केलथि अछि। बिहारक पल्लव गोपाल झा (93) समेत कईटा उम्मीदवार एहि परीक्षा मे सफलता हासिल केलथि अछि। कार्मिक आ प्रशिक्षण विभाग दिस स जारी विज्ञप्ति क अनुसार 910 उम्मीदवार क अंतिम रुप स चयन कैल गेल अछि। एहि मे स 715टा पुरुष आ 195टा महिला छथि। हिनका लोकनिक चयन भारतीय प्रशासनिक सेवा, भारतीय विदेश सेवा, आ भारतीय पुलिस सेवा समेत विभिन्न केंद्रीय सेवा मे नियुक्ति लेल कैल गेल अछि।
शीर्ष 25 उम्मीदवार मे स 13टा दिल्ली मे परीक्षा देलथि जखनकि जयपुर मे तीन, मुंबई आ चंडीगढ मे दू-दू, हैदराबाद, चेन्नई, दिसपुर, पटना आओर जम्मू केंद्र पर एक-एक उम्मीदवार परीक्षा मे बैसल छलाह। परीक्षा क नतीजा सफल उम्मीदवार क वितरण मे अखिल भारतीय तस्वीर पेश करैत अछि। आंध्र प्रदेश, असम, बिहार, छत्तीसगढ, दिल्ली, हरियाणा, जम्मू कश्मीर, झारखंड, केरल, मध्य प्रदेश, महाराष्ट्र, पंजाब, राजस्थान, तमिलनाडु, उत्तराखंड आ उत्तर प्रदेश क स्थायी निवासी उम्मीदवार शीर्ष 25 मे स्थान हासिल केलथि अछि। सिविल सेवा प्रारंभिक परीक्षा -2011 क आयोजन 12 जून कए भेल छल। कुल चार लाख 72 हजार 290 परीक्षार्थी परीक्षा लेल आवेदन केने छल, जाहि मे स दू लाख 43 हजार 03 परीक्षार्थी परीक्षा मे बैसलाह। 11 हजार 984 उम्मीदवार कए मुख्य परीक्षा लेल सफल घोषित कैल गेल छल। मुख्य परीक्षा क आयोजन अक्तूबर नवंबर 2011 मे कैल गेल छल। एहि स 2417 उम्मीदवार क साक्षात्कार लेल चयन कैल गेल छल। साक्षात्कार क आयोजन मार्च-अप्रैल 2012 मे कैल गेल छल। एहि बेर 41 गोटे मुख्य परीक्षा मे मैथिली कए विषय क रूप मे लेने छलाह, जाहि मे स 11 गोटे कए साक्षात्कार लेल चुनल गेल छल। अंतिम परिणाम क आंकडा एखन नहि सामने आयल अछि मुदा मैथिली विषय रखनिहार सौरव झा सूची मे स्थान लेलथि अछि।
शीघ्र पढू इसमाद पर सौरव झा स साक्षात्कार…….
maithili news, mithila news, bihar news, latest bihar news, latest mithila news, latest maithili news, maithili newspaper
Saurabh ji ke bahut-bahut badhaai, Maithili vishay rakhnihaar anya pratiyogi sabh ke seho badhhai a dhanyabaad.