दोसरसमाचार
पटना : मैथिली क पहिल चैनल सौभाग्य मिथिला आइ चारि साल पूरा क लेलक। एहि चैनल कए मैथिली क पहिल चैनल हेबाक गौरव प्राप्त अछि आ रहत। चैनल क प्रबंध निदेशक प्रफुल्ल कुमार क इ सपना जरूर पूरा भेल जे टीवी पर मैथिली भाषा क चैनल देखबा लेल भेटल, मुदा चैनल लग कहियो उचित संसाधन उपलब्ध नहि भ सकल, जेकर खामियाजा चैनल क कार्यक्रम मे निरंतर देखबा लेल भेटल। चैनल लेल आइ कोनो कार्यक्रम क निर्माण नहि भ रहल अछि, मुदा तकनीकी रूप स सौभाग्य मिथिला चैनल एखनो हमरा सबहक बीच अछि।
ओना श्री कुमार अपन अथक व्यक्तिगत प्रयास स अंतिम कार्यक्रम निर्माण तक मे मिथिला क माटीक खुशबू कए विश्वभरि मे पहुंचेबाक मनोरथ पूरा कैलथि। मुदा चैनल मे ओ एकटा छोट हिस्सेदार छथि आ अन्य हिस्सेदार क गैर मैथिल भेला स सौभाग्य मिथिला लेल संसाधन जुटेबा मे शुरू स कठिनाई होइत रहल। प्रबंधन मे कई गोटा क हस्तक्षेप क कारण श्री कुमारक इ सपना आइ टूटबाक स्थिति मे अछि। ओना सौभाग्य मिथिला क शुरुआत काफी उत्साहजनक रहल आ पिछला चारि साल मे अपन कार्यक्रमक माध्यम स इ भारत समेत पड़ोसी देश नेपाल मे अपन व्यापक पहुंच बनेलक। अपन चारि साल क यात्रा मे संसाधन क कमी आ प्रबंधकीय उदासीनताक बावजूद चैनल नहि केवल मैथिली मनोरंजन आ समाचार क दुनिया मे अपन मजबूत उपस्थिति दर्ज करेलक बल्कि एकटा नव बाट सेहो तैयार केलक। इ अलग- अलग कार्यक्रम क माध्यम स मिथिला क राजनीतिक, सामाजिक आ सांस्कृतिक चेतना कए सेहो जगेबाक प्रयास केलक। समाचारक सुर्खी नहि बात मुदा खास अछि, घसल अठन्नी आदि कईटा कार्यक्रम गैर मैथिली भाषी क बीच सेहो लोकप्रिय भेल। आइ चारि साल पूरा भेला पर एकर उपलब्धि क संग एकर असफलता पर सेहो मंथन क जरूरत अछि। किया त मैथिली समाज लेल इ एकटा धरोहर जेकां अछि, जेकरा बचा कए राखब हमरा सबहक काज छी।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa
सबस’ पहिने त’ मैथिलीक पहिल चैनल “सौभाग्य मिथिला” केर चारि बरख पूर करबा लेल हार्दिक बधाई आ साधुवाद प्रफुल्ल जी समेत समस्त टीम कें जे नव कार्यक्रमक नहि बनबाक स्थितियो में टेलीविजन पर पुरानो कार्यक्रमक संग एकर उपलब्धता बरकरार रखने छथि। ओना यत्र-तत्र एहि चैनल केर कार्यक्रम आ चलबा, नै चलबा लेल कतेको मनगढ़ंत गप्प-सप्प सुनबा में अबैत छल मुदा पूर्ण सत्य के “ई-समाद” केर माध्यमें सभक सोझा रखबा लेल समदिया कें सेहो धन्यवाद। आशा अछि जे चैनल कदम स’ बन्ने नहि भ’ जाए बल्कि एक व्यावसायिक ढंग स’ चलौनिहार केयो ने केयो अर्थ सुसम्पन्न मिथिलापूत सोझा आबथि आ एकरा सुचारू रूप स’ चलाबथि।
सादर,
मनीष झा “बौआभाइ”
http://www.writermanishjha.blogspot.com
Saubhagya Mithila channel ke chari vars pura karak lel Badhai aa subhkaman! Sangahi e-samad ken ehi khabar aa ekar stithi prakashit karak lel seho sadhuvad. Ehi aalekh san spast achhi je channel sansadhanak abhav san jujhi rahal achhi.(off the track) charch antrik kalah ken seho achhi. Channel prarambh bhela san Maithilik lel sahi me saubhagya chhal. Jan maithile saubhagya ken durbhagya me badlak lel udyat bha jeta ta daivyog ki hoyat…? Ishwar san channelak safaltak prarthana rahat…..
सबस’ पहिने त’ मैथिलीक पहिल चैनल “सौभाग्य मिथिला” केर चारि बरख पूर करबा लेल हार्दिक बधाई आ साधुवाद प्रफुल्ल जी समेत समस्त टीम कें जे नव कार्यक्रमक नहि बनबाक स्थितियो में टेलीविजन पर पुरानो कार्यक्रमक संग एकर उपलब्धता बरकरार रखने छथि। ओना यत्र-तत्र एहि चैनल केर कार्यक्रम आ चलबा, नै चलबा लेल कतेको मनगढ़ंत गप्प-सप्प सुनबा में अबैत छल मुदा पूर्ण सत्य के “ई-समाद” केर माध्यमें सभक सोझा रखबा लेल समदिया कें सेहो धन्यवाद। आशा अछि जे चैनल कदम स’ बन्ने नहि भ’ जाए बल्कि एक व्यावसायिक ढंग स’ चलौनिहार केयो ने केयो अर्थ सुसम्पन्न मिथिलापूत सोझा आबथि आ एकरा सुचारू रूप स’ चलाबथि।
सादर,
मनीष झा “बौआभाइ”
Sarvapratham Channel ke 4 saak pura karba lel badhaai. sangahi ekar dayniya sthiti jani afsos seho. Bhagalpur me e channel lagbhag 2 varsha sa nahi dekhaol ja rahal achhi, hum bujhai chhalahun je Shobhagya Mithila bann bha chukal achhi. Kripaya bhagalpur me pher sa uplabdh karabi se agrah.