अजय धारी सिंह
नई दिल्ली । अहाँक घर क सिक्योरिटी लेल एक टा एहेन सिक्योरिटी कैमरा बनाओल गेल अछि जे एक बेर फूल चार्ज केला क बाद लगातार 365 दिन तक घरक निगरानी करत । एहि मे खास तौर पर तैयार कैल गेल ली-आयन बैटरी लागल छै जे एक साल तक बैटरी बैकअप देबा मे सक्षम अछि ।
एहि कैमरा कए वाशिंगटन मे स्थित कैमरा निर्माता कंपनी यूफ़ी सिक्योरिटी (Eufy Security) दिस स तैयार कएल गेल अछि । यूफ़ी एवरकैम (Eufy EverCam) नामक ई सिक्योरिटी कैमरा सँ 1080 पिक्सल्स क एचडी वीडियो रिकॉर्ड होएत। जेकरा अहाँ घर मे लागल हब मे स्टोर क सकैत छी आ लगातार उपयोग लेल कंपनी क्लाउड स्टोरेज क विकल्प सेहो देने अछि ।
एहि कैमरा क एकटा आार खासियत अछि जे ई बिजली गेलाक बादो बिना रुकल वीडियो कए रिकॉर्ड करैत रहत। एकर हब मे 5,200 एमएएच क बैटरी लागल अछि जे बिजली गेला क बाद स्टोरेज हब कए बैकअप दैत अछि । कंपनी क दावा अछि जे जों अहाँक घर मे 7 दिन तक बिजली नई रहला पर सेहो रिकॉर्डिंग बंद नहि करत ।
क्विकचार्ज 3.0 टेक्नोलॉजी क सपोर्ट:
यूफ़ी एवरकैम (Eufy EverCam) मे क्विकचार्ज 3.0 टेक्नोलॉजी क सपोर्ट देल गेल अछि जे एक सालक बादो मात्र 3 घंटा मे एकरा फुल चार्ज करबा मे मदद करत । एकरा आसानी से इनस्टॉल कैल जा सकैत अछि आ एकर उपयोग केनाई सेहो बड्ड आसान छै । एहि कैमरा क 100% वाटरप्रूफ बनाउल गेल अछि । कंपनी कैमरा लेल एक टा मैग्नेटिक माउंट तैयार केलक जेकरा ऊपर एकरा आसानी सँ लगा क’ उपयोग कैल जा सकैत अईछ ।
एहि तरह सँ काज करैत अईछ कैमरा:
ई सिक्योरिटी कैमरा अहाँक घर क अंदर लागल बेस हब मे डाटा कए आसानी से वायरलेसली Wi-Fi दिस ट्रांसमिट करत । वीडियो कए स्टोर करबाक लेल एहि हब मे कंपनी 16 जीबी क माइक्रो एसडी कार्ड पहिने सँ देत जेकरा 128 जीबी तक बढ़ाओल जा सकैत अछि । आ अगर अहाँ एक साल तक लगातार वीडियो कए रिकॉर्ड क कए रखय चाहैत छी त अहाँक 2.99 डॉलर(करीब 200 टका) प्रति महीना खर्च कए क क्लाउड स्टोरेज खरीद परत । जेकर बाद अहाँ यूफ़ी एवरकैम आईओएस(Eufy EverCam iOS) आ एंड्राइड एप्प पर सेहो वीडियोज कए चेक क सकैत छी ।
घर मे घुसपैठ केला पर बाजत अलार्म:
यूफ़ी एवरकैम (Eufy EverCam) मे मोशन डिटेक्टर लागल छै जे केकरो सामने से गुजरला पर आर्टिफीशियल इंटिलिजैंन्स आ फेस रिकॉगनिशन फीचर सँ ई कैमरा ई पता करैत अछि जे आगन्तुक रेगुलर छैथ आकि नहि । आ जों नहि त ई कैमरा हब कए सिग्नल दैत छै आ ओकर बाद हब में लागल 3 वॉट क स्पीकर सँ 100 डीबी तक के अलार्म बाजए लागत।
ऑडियो रिकॉर्डिंग:
एहि कैमरा मे 140 डिग्री पर काज करय वला एफ 2.2 लेंस लागल अछि । ई कैमरा दुनु दिस क आवाज कए रिकॉर्ड करैत अछि जे आवाज सँ इ पता लगबै मे मदद करत की कोन दिस क खिड़की वा दरवाजा खुजल छै।
वॉटरप्रूफ अछि ई कैमरा:
एहि कैमरा क वॉटरप्रूफ बनाओल गेल अछि अर्थात ई कैमरा आईपी66 (IP66) सर्टिफाइड अछि । अहाँ बरसातक समय मे सेहो बिना कोनो चिंताक ई कैमरा क उपयोग क सकैत छी । एकर अलावा राइत बा अन्हार मे रिकॉर्डिंग लेल नाईट विज़न मोड सेहो देल गेल अछि। कंपनी दिस कहल गेल अछि जे एकरा खास तौर पर पाहुन घर (लिविंग रूम), बाड़ी(बैकयार्ड), मुख्य द्वार(एंट्रेन्स) पर लगेबाक लेल तैयार कैल गेल अछि । उम्मीद कैल जा रहल अछि जे लगभग 21,000/-(329/-डॉलर) के ई कैमरा सितंबर 2018 तक बिक्री लेल उपलब्ध भ जाएत ।
