दोसरसमाचार
पटना। पटना जिला क बाढ़ अनुमंडल क पंडारक थाना क्षेत्र क ढीबर गांव स कथित तौर पर अगवा रामानंद सिंह कए कांग्रेस नेता आ पूर्व सांसद अरुण कुमार क आवास स बरामद भेलाक बाद मुख्यमंत्री नीतीश कुमार क खिलाफ एकटा पैघ साजिश क खुलासा भेल। पुलिस सूत्र क कहबाक छैक जे पूर्व सांसद क राजधानी स्थित आशियाना नगर क आवास पर छापा मारलाक बाद अपहृत रामानंद कए बरामद कैल जा सकल। एहि क्रम मे हुनकर आवास स अपहरणकर्ता बख्तियारपुर निवासी अमरेश कए सेहो गिरफ्तार कैल गेल। रामानंद क पुत्र चंदन पटना क वरीय पुलिस अधीक्षक क समक्ष शिकायत केने छलाह जे हुनकर पिता कए अज्ञात लोक सब अपहरण करि लेलक अछि। एकर बाद पुलिस मामला क तहकीकात करैत कांग्रेस नेताक घर तक पहुंचल आ रामानंद कए सकुशल बरामद केलक । बाद मे रामानंद पुलिस कए कहलथि जे अरुण कुमार हुनका स कहने छलाह जे नीतीशक खिलाफ गवाही देबाक अछि जे वर्ष 1991 क बाढ़ लोकसभा चुनाव क दौरान ओ अपन आंखि स नीतीश कुमार कए ढीवर गाम निवासी सीताराम सिंह कए गोली मारैत देखने छलाह। पुलिस क समक्ष अपहरणकर्ता अमरेश सेहो स्वीकार केलक जे ओ पूर्व सांसद क कहबा पर रामानंद कए ओकर घर पर स उठा अनने छल। ओ इ सेहो स्वीकार केलक जे मुख्यमंत्री क खिलाफ गवाही देबा लेल रामानंद कए दस हजार टका मे राजी केने छल। एहि बीच जदयू क प्रदेश अध्यक्ष राजीव रंजन सिंह उर्फ ललन सिंह कहला जे एहि खुलासा क बाद इ साबित भ गेल जे बाढ़ क अदालत मे जे किछु भेल ओकर पाछु गहीर साजिश छल। ओ कहला जे इ साजिश सरकार कए अस्थिर करबा लेल रचल गेल छल।
की अछि मामला
पटना जिला क बाढ़ क्षेत्र मे 16 नवंबर, 1991 कए भेल लोकसभा चुनाव क दौरान ढीबर स्थित माध्यमिक विद्यालय मतदान केन्द्र संख्या 168 क बाहर सीताराम सिंह कए गोली मारिकए हत्या करि देल गेल छल। एहि मामला मे नीतीश कुमार, दुलारचंद यादव, दिलीप कुमार सिंह, योगेन्द्र यादव आ बौधू यादव पर पंडारक थाना मे एकटा मामला दर्ज कराउल गेल छल।
समादक नव रूप आश्वस्त करैत अछि।
thanks for your kind mail informimg me of the beginning of samaad an online journal in maithili. it is great news in that our mother tongue has begun using the cyberspace to its advantage. we are so happy learning about it. we wish this bold venture a great success.