दोसरसमाचार
मजदूरक इंतजाम करबा मे निर्माण एजेंसी परेशान
बंगाल आ झारखंड स साधल जा रहल संपर्क
पंजाब आ दिल्ली स सेहो होएत मजदूरक आयात
प्रवासी मजदूरक सबस पैघ केंद्र बनत पटना
पटना : मजदूरक पलायन लेल विख्यात बिहार आइ मजदूर संकट स डरायल अछि। देश भरि कए मजदूर मुहैया करेनिहार बिहार क नजरि देश क मजदूर पर टिकल अछि। निर्माण एजेंसी लेल पटना मे मजदूर क इंतजाम करब मुश्किल भ सकैत अछि। छह माह क भीतर एक संग साढ़े तीन हजार करोड़ टकाक क निर्माण कार्य असगर पटना मे शुरू भ रहल अछि। निर्माण कंपनी लग संकट इ अछि जे एतबा पैघ परियोजना लेल थोक मात्रा मे मजदूर क जरूरत होएत, जे कठिन बुझा रहल अछि। एहन मे एजेंसी क नजरि एखने स पश्चिम बंगाल आ झारखंड मे सक्रिय लेबर कांट्रैक्टर पर अछि। ओना पंजाब आ दिल्ली स सेहो पैघ संख्या मे मजदूरक वापसी क संभावना जताउल जा रहल अछि। एहन किछु लेबर कांट्रैक्टर क सक्रियता पटना मे देखल जा रहल अछि। जानकारक कहब अछि जे बिहार लग अपन एतबा मजदूर नहि अछि जे परियोजना कए आपूर्ति कैल जा सकत, एहन मे बिहार खास क पटना आयातित लेबर फोर्स क हब मे तब्दील भ सकैत अछि। पटना मे साढ़े तीन हजार करोड़ रुपये क परियोजना असगर रोड सेक्टर क अछि, जाहि मे मजदूरक काफी जरूरत होइत अछि। भवन निर्माण विभाग क परियोजना कए अगर एहि मे जोडि देल जाए त मामला साढ़े चारि हजार करोड़ क करीब पहुंच जाइत अछि। इ ओहि परियोजना क अतिरिक्त अछि जे एखन पटना मे काफी तेज गति स चलि रहल अछि।
अक्टूबर मे गंगा ड्राइव-वे क काज शुरू हेबाक अछि। लगभग दू हजार करोड़ क एहि भारी-भरकम परियोजना लेल थोक मे मजदूर आ दक्ष मिस्त्री क जरूरत होएत। काज एतबा पैघ अछि जे असगर एहि परियोजना लेल मजदूर आ तकनीकी रूप स दक्ष मिस्त्री क आपूर्ति असगर बिहार स संभव नहि भ सकैत अछि। मजदूरी क रूप मे मोट राशि क फ्लो एहि परियोजना क तहत हेबाक अछि। एहि परियोजना क किछु माह बाद दीघा स्टेशन स एम्स तक एलिवेटेड सड़क क परियोजना पर काज शुरू होएत। सितंबर मे एकर निविदा खुलत। इ परियोजना 1300 करोड़ क छी। एकरा लेल सेहो थोक मे मजदूर आ ट्रेंड मिस्त्री क जरूरत पड़त। एहन मे बिना आयातित श्रमिक कए इ काज सेहो संभव नहि अछि। मीठापुर फ्लाईओवर कए गांधी मैदान स जोड़बा लेल आ फेर आर.ब्लाक होइत हार्डिग रोड उतरबा लेल निर्माण काज सेहो जल्द शुरू हेबाक अछि। एहि ठाम सेहो मोट राशि खर्च हेबाक अछि। एजेंसी लग आयातित मजदूर क बिना कोनो चारा नहि अछि। पूर्व मे पटना रोड प्रोजेक्ट्स क तहत जखन तांतिया कंस्ट्रक्शन पटना मे रोड निर्माण क काज कए आरंभ केने छल तखन ओ पश्चिम बंगाल क मजदूर कए पटना मे लगेने छल। पटना मे एहि नव काज क अतिरिक्त बेली रोड मे बनि रहल फ्लाईओवर आ दक्षिणी हिस्सा मे बनि रहल आरओबी क अतिरिक्त दीघा-पहलेजा पुल निर्माण मे सेहो पैघ संख्या मे मजदूर पहिने स लागल अछि।
रोड आ पुल सेक्टर क काज क अतिरिक्त भवन निर्माण क सरकारी सेक्टर मे सेहो निर्माण कार्य क बहार अछि। थोक मे नव काज शुरू भ रहल अछि आ किछु चलि रहल अछि। नव विधानसभा भवन क निर्माण कार्य पैघ स्तर पर चलि रहल अछि। हाल मे बेली रोड पर बिहार संग्रहालय क पैघ परियोजना क कायार्रंभ मुख्यमंत्री नीतीश कुमार स्वयं केलथि अछि। एहि परियोजना मे सेहो मोट राशि निर्माण काज मे खर्च हेबाक अछि आ पैघ संख्या मे मजदूर क जरूरत अछि। एमएलए हाउसिंग परियोजना तुरंत शुरू हेबाक अछि। नव नियोजनालय भवन क निर्माण कार्य आयकर गोलंबर क समीप शुरू अछि आ गांधी मैदान लग पांच हजार क्षमता क कन्वेंशन सेंटर क कायार्रंभ सेहो भ चुकल अछि, एहन मे देश भरि कए मजदूर मुहैया करेनिहार बिहार क नजरि देश क मजदूर पर टिकल अछि।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa
