दोसरसमाचार
पटना। बिहार क खगडिया जिला क मोरकही थाना क्षेत्र मे गुरुवार देर रात संदिग्ध नक्सली 16 लोक क गोली मारिकए हत्या करि देलक। मारल गेल लोक मे 11 वयस्क आ पांचटा नाबालिग शामिल अछि। राज्य क अपर पुलिस महानिदेशक नीलमणि क अनुसार इ नक्सली हमला लगैत अछि। बिहार क मुख्यमंत्री नीतीश कुमार नरसंहार क निंदा करैत मृतकक परिजन कए डेढ़-डेढ़ लाख टका मुआवजा क घोषणा कलथि अछि। एक अन्य पुलिस अधिकारी कहला जे एखन धरि 16 शव बरामद करि लेल गेल अछि। घटनास्थल जिला मुख्यालय स 10 किलोमीटर दूर अछि। एहि स पहिने पुलिस कहलक जे अलौली थाना क्षेत्र क इचरूआ गांव क लोक मोरकही थाना क्षेत्र क अमौसी गांव मे रहिकए खेती करैत छल। एहि ठाम काफी दिन स जमीन कए ल कए किछु लोक स हिनकर विवाद चलि आबि रहल छल। एहि विवाद क वजह स एहि हत्या क अंजाम देल गेल अछि। खगडिया क अनुमंडल पुलिस पदाधिकारी (एसडीपीओ) अजय कुमार पांडेय घटना क पुष्टि करैत कहला जे घटना क पाछु भूमि विवाद अछि । मरयवाला मे किछु नवयुवक अछि। पांडेय क मुताबिक सब लोक अपन-अपन घर मे सुतल छलाह जखन किछु अज्ञात लोक गाम मे धावा बाजि देलक आओर लोक कए घर स उठा कए अपन संग ल गेलाह। गाम क बाहर ल गेलाक बाद गोली मारिकए सबहक हत्या करि देल गेल। अधिकारी कहला जे पुलिस मामला क छानबीन प्रारंभ करि देल गेल अछि आ जिला क वरिष्ठ पुलिस पदाधिकारी घटनास्थल पर पहुंच गेलथि अछि।
राज्य सरकार पर बरसला लालू
पूर्व मुख्यमंत्री लालू प्रसाद सामूहिक नरसंहार क लेल राज्य सरकार कए जिम्मेदार ठहराउलथि अछि। ओ घटना क निंदा करैत कहलथि जे राज्य सरकार कए एकर जिम्मेदारी लेबाक चाही। दोसर कात लोजपा सुप्रीमो रामविलास पासवान कहलथि जे बिहार मे कोनो सरकार नहि अछि। सुशासन क नाम पर कुशासन चलि रहल अछि। गरीब मारल जा रहल अछि। इ सरकार कए आब चल जेबाक चाही।
ee bahut durbhagyapurn achi.
Neetishk Mahadalit vote yojnak fal ek bhuktbhogi BBC par kahi rahal chhal.
Belchee adik yad Mithilak seeman par ho se uchit nahee.