दोसरसमाचार
फेंरच कांसूलेट जनरल केलथि राज्यक विभिन्न इलाका क दौरा
उद्यमी सब कए सस्ता दर पर कर्ज देत फ्रांस क सरकार
अनिता अनत
पटना : बेहतर शासन-व्यवस्था आ राज्य सरकार द्वारा निवेश लेल कैल जा रहल प्रयास आब रंग देखा रहल अछि। बिहार मे पूंजी निवेश लेल आब उद्यमी क बीच कोनो तरह क किंतु-परंतु क स्थिति नहि रहल। देश क बाहर सेहो बिहार क विकास क चर्च भ रहल अछि। विदेशी कंपनी सेहो आब बिहार मे निवेश लेल इच्छुक देखा रहल अछि। फ्रांस क कईटा पैघ कंपनी राज्य मे बढैत निवेश क अवसर कए भजेबा मे लागल अछि। फें्रच कांसूलेट जनरल फैब्रिस एटीन हाल मे बिहार क विभिन्न इलाका क दौरा केलथि अछि। राज्य मे निवेश लेल संभावना क्षेत्र आ स्थल चयन हुनक कार्यसूची मे छल। एटीन कोलकाता मे एकटा कार्यक्रम क दौरान कहला अछि जे ओ बिहार मे शिक्षा, पर्यटन आ रिटेल ब्रांड मे पूंजी लगेबा लेल अपन देश क उद्योगपति कए सुझाव पठेलहुं अछि। फ्रांस क उद्यमी एहि क्षेत्र मे स्वतंत्र रूप स निवेश क सकैत छथि या फेर राज्य सरकार क संग सहभागी सेहो बनि सकैत छथि। ओ कहला जे बिहार विकास क बाट पर अछि आ एहन मे हुनकर देशक उद्यमी बिहार मे अपन बेहतर भविष्य देख रहल छथि। फ्रांस बिहार मे शहरी विकास, कचरा प्रबंधन, जल प्रबंधन आ ई-रिसोर्सेज सन क्षेत्र मे टका लगेबा लेल तैयार अछि। एकरा लेल फ्रांस क सरकार उद्यमी कए आसान दर पर कर्ज देबा लेल सेहो तैयार अछि।हालांकि कर्ज लेल बिहार सरकार स सेहो अनुरोध कैल गेल अछि। एटीन कहला जे शिक्षा कए पहिल प्राथमिकता देल जा रहल अछि आ संभव अछि जे जल्द शिक्षा क क्षेत्र मे बिहार सरकार संग फ्रांस सहभागी बनए। चाणक्या नेशनल लॉ युनिवर्सिटी (सीएनएलयू) पटना आ युनिवर्सिटी आॅफ टॉल्यूज, फ्रांस क बीच जल्द एकटा एमओयू पर हस्ताक्षर कैल जा सकैत अछि। एटीन कहला जे नेशनल स्कूल आॅफ फैशन डिजाइनिंग (निफ्ट) सेहो फ्रांस क विभिन्न फैशन डिजाइन स्कूल क संग आपसी सहयोग पर गप क रहल अछि। इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa
