मुजफ्फरपुर। मुजफ्फरपुर मे दू टा मॉल अगिला साल शुरू भ जाएत। शहरक बेला मोहल्ला मे एनएच 28 पर बनि रहल इ दूनू मॉल निर्माण तेजी स भ रहल अछि। पहिल मॉल अम्रपाली ग्रुप बना रहल अछि, जखन कि दोसर मॉल द्वारिका सिटी सेंटर में एसटी मार्केटिंग प्राइवेट लिमिटेड 185000 वर्ग मीटर मे मॉल बना रहल अछि जेकर अगिला सालक अंत तक शुरू हेबाक उम्मीद अछि। इ मॉल बिहार मे संपूर्ण सुविधा स सुसज्जित दोसर मॉल होएत। मुजफ्फरपुर शहर मे एनएच -28 स मात्र 300 मीटर क दूरी पर बनल ई मॉल शहर क लोक लेल एकटा सनेस जेकां अछि। एहि छोर के आदमीक लेल आसानी से पहुँचय बला हाएत। मुजफ्फरपुर क विकास क गवाह बनवा लेल तैयार भ रहल इ मॉल स उत्तर बिहार क सेहो छवि मे चारि चांद लागत आ मॉल क्लचर स लोक परिचित होएत।
185000वर्ग मीटर मे बनि रहल इ मॉल आठ मंजिला होएत जेकर निचलका मंजील आ ऊपर क दूटा मंजिल खुदरा सामान क लेल रहत, तेसर मंजिल भोजन आ मनोरंजन क लेल रहत आ चारिम आ पाँचम मंजिल तीन टा स्क्रीन बला मल्टीप्लेक्स क लेल रहत। एकर संगहि मॉल मे 47000 वर्ग मीटर क पार्किंग बेसमेंट क दू टा मंजिल आ 25000 वर्ग मीटर क अलग स बाहर मे पार्किंग क व्यवस्था रहत।
एहि संबंध मे एसटी मार्केटिंग प्राइवेट लिमिटेड क डाइरेक्टर शास्वत कुमार कहला- हमरा विश्वास अछि जे मुजफ्फरपुर आ बिहार लोक एहि ठाम विश्वस्तरीय शॉपिंग क मज़ा लए सकताह। ओ कहलखिन जे द्वारका सिटी सेंटर एहि ठामक लोक क संपूर्ण मनोरंजन, खाद्य पेय आ खरीदारी क लेल अपना आप मे एकटा सम्पूर्ण जगह बनत। एहि मॉल क निर्माण मुख्या रूप स परिवारिक मस्ती आ मनोरंजन क लेल त भैये रहल अछि संगहि एहि स स्थानीय स्तर पर रोजगार सेहो उपलब्ध भ सकत। सबस पैघ गप जे एहि मॉल क कमाई क पाँच प्रतिशत राशि गरीब आ कमजोर तबका क छात्रा क पढाई मे लागाउल जाएत। उम्मीद अछि जे इ मॉल शहर मे नव माहौल बनाउत आ बिहारक एकटा नव रूप दुनिया क सामने प्रस्तुत करत।
