दोसरसमाचार
मुख्यमंत्री केलथि श्रीविधि महाभियान, 2013 क उद्घाटन
पटना : मुख्यमंत्री नीतीश कुमार बुधदिन श्रीकृष्ण मेमोरियल हॉल मे श्रीविधि महाभियान, 2013 क उद्घाटन केलथि। एहि अवसर पर मुख्यमंत्री बिहारक किसान लेल मैथिली और भोजपुरी मे लिखल गेल श्रीगीत आ श्रीफिल्म क लोकार्पण केलथि। संगहि मुख्यमंत्री श्रीविधि लोगो कए सेहो लोकार्पित केलथि। एहि अवसर पर स्थानीय कलाकार द्वारा गीत क गायन सेहो कैल गेल। अपन संबोधन मे मुख्यमंत्री कहला जे किसान क उत्साह क परिणाम दिखा रहल अछि। किसान नव नव रिकार्ड बना रहल छथि। बिहार क रिकार्ड पर चीन कए अचंभा भ रहल अछि। ओकर चाउर उत्पादनक रिकार्ड बिहारक किसान ध्वस्त क देलथि अछि। मुख्यमंत्री कहला जे बिहार मे केवल रिकार्ड नहि बनि रहल अछि बल्कि उत्पादकता सेहो बढि रहल अछि। बिहार क किसान क चर्चा देश स बाहर भ रहल अछि। बाढ़ आ सुखाड़ सन विपत्ति क बावजूद किसान उत्पादन आ उत्पादकता मे बेहतर काज क रहल छथि। बिहार धीरे-धीरे आगू बढ़ि रहल अछि। ओ दिन दूर नहि जखन हम फेर स अपन गौरवशाली स्थान प्राप्त क लेब। ओ कहला जे कृषि लेल पर्याप्त बिजली उपलब्ध कराउल जायत। कृषि लेल अलग स बिजली क फीडर होएत। राज्य मे चाउर क पॉलिस क मिल कम अछि, मुदा आब एहि पर ध्यान देल जा रहल अछि एहि साल क बाद पॉलिस लेल बिहार चाउर यूपी या बंगाल नहि जाएत। मीलिंग आ भंडारण क मामला मे राज्य आत्मनिर्भर भ रहल अछि। नीतीश कहला जे बिजली घर लगायब रोड बनबा सन असान काज नहि अछि। कोल लिंकेज नहि रहबाक कारण बिजली ईकाई क स्थापना मे परेशनी आबि रहल अछि।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa
Susasan babu etek jyada vikas bhelak uprant Bihari etek palayan kiyak kay rahal achhi. E aakra sirf kagaj par tayar karait chhi, wa vastvik achhi.