दोसरसमाचार
नई दिल्ली। रेलवे क परीक्षा देबा लेल गुजरात गेल 2टा बिहारी छात्र कए ट्रेन स फेंकबाक मामला आइ राज्यसभा मे उठल। लोजपाक रामविलास पासवान आ राजद क रामकृपाल यादव एहि घटना पर कडा विरोध व्यक्त केलथि। ओना भाजपा हुनकर विरोध कए इ कहि दबेबाक कोशिश केलक जे इ घटना सामान्य झगडा छी एकरा प्रांतवाद क रंग नहि देल जाए। भाजपा क कहब छल जे छात्रक बीच भेल झगडा क बाद अज्ञात युवक सब चलती ट्रेन स छात्र कए फेंक देलक। मुदा पासवान क कहब छल जे बिहार क छात्र संग एहन होइत रहल अछि। ज्ञात हुए जे एहि हादसा मे एकटा युवक क घटनास्थल पर मौत भ गेल। जखनकि दोसर गंभीर रूप स घायल अछि। जानकारी क अनुसार ट्रेन मे विवाद तखन शुरू भेल जखन किछु अज्ञात युवक ट्रेन मे आयल आओर दूनू छात्र क मोबाइल छीनबाक प्रयास केलक। अगर सूत्र क मानि त एहि पूरा घटनाक्रम मे छात्र क बिहार स होएब एकटा मुख्य वजह छल। रेलवे स प्राप्त जानकारी क अनुसार घटना अहमदाबाद लग कनिज़ आओर मोहमदाबाद रेलवे स्टेशन क बीच क अछि। एहि हादसा क दौरान मरनिहार छात्र लखीसराय क रामगढ़ चौक प्रखंड क उदयकांत महतो क 22 वर्षीय पुत्र राजीव कुमार छल।
ओतहि ओकर दोस्त घायल युवक राकेश कुमार शेखपुरा क निवासी अछि। ट्रेन मे बैसल यात्री क कहब अछि जे जखन इ दूनू छात्र अपना कए बिहारी कहलथि आओर परीक्षा देबा लेल गुजरात एबाक गप कहलथि त अज्ञात युवक एक एक करि कए दूनू कए चलती ट्रेन स नीचा फेंक देलक। सवाल उठैत अछि जे गुजरात मे एहि प्रकारक घटना भेलाक बावजूद भाजपा एकरा क्षेत्रवाद क रंग देबा स बचि रहल अछि। मुदा भाजपा क बिहार प्रदेश ईकाई खास क ओ मंत्री जे किछु दिन पहिने गुजरात जा कए मोदी क गुणगान केने छलाह, कए त एहि सवालक उत्तर देबाक अछि जे आखिर बिहारी छात्र स संग लूटपाट आ चलती ट्रेन स नीचा फेंकबाक घटना मे की सच्चाई अछि।
maithili news, mithila news, bihar news, latest bihar news, latest mithila news, latest maithili news, maithili newspaper
