चैती दुर्गा पुजा आ छठि पर सेहो रोक
सभटा रेस्टूरेंट आ होटल कए 31 मार्च धरि बंद करबाक आदेश
इंटर सिटी आ स्टेट बस सेहो बंद
दोसरसमाचार
माननीय मुख्यमंत्री, बिहार केर अध्यक्षता मे शनिदिन वीडियो कॉन्फ्रेंसिंग क माध्यम सँ कोरोना वायरस केर समीक्षा बैठक भेल । एहि में सब रेस्टोरेंट, सड़क कातक सब ढ़ाबा, चाय क दोकान कए बंद करबाक निर्देश देल गेल । संगे इंटर स्टेट बस आ सिटी बस कए अखन सेहो बंद करबाक निर्देश देल गेल । आन राज्य सँ ट्रेन एनिहार यात्री कए ए0एन0एम0 आ अन्य स्वास्थ्य कर्मी क संग टैग कैल जाएत, ताकि हुनकर सतत निगरानी कैल जा सकय । सब बी0डी0ओ0, सी0ओ0 आ थानाध्यक्ष कए वीडियो कांफ्रेंसिंग क माध्यम सँ गाड़ी में ध्वनि विस्तारक यंत्र लगा कए ओकर माध्यम सँ सब गोटेक अनावश्यक रूप सँ घर से बाहर नहि निकलबाक या मात्र अति आवश्यक कार्य लेल घर सँ बहरेबा लेल कहल जा रहल अछि । हरेक पी0एच0सी0 के चारि-चारिटा अतिरिक्त वाहन भाड़ा पर ल कs कोरोना वायरस क संक्रमण सँ बचाव आ सतर्कता लेल जागरूकता फैलायब लेल कहल गेल अछि । सब मंदिर, मस्जिद आ गुरुद्वारा, गिरिजाघर संगे धरना प्रदर्शन के स्थानीय पदाधिकारि सब के दिस सँ भीड़ जमा नहि होए ताहि लेल ओकरो सेहो बंद करबाक अनुरोध कैल जाएत ।
बिहार राज्य धार्मिक न्यास बोर्ड दिस स निर्देश देल गेल अछि जे तत्काल प्रभाव सँ सभटा मंदिर कए श्रधालू लेल बंद कैल जाए, मात्र आरती, पुजा आ भोग लेल अधिकतम तीन गोटे ओहिमे शामिल भs सकैत छथि । मंदिर क पट्ट बंद रहत, कोनो भक्तजन दर्शन लेल नई जेताह। सब मंदिर कए बंद राखल जाएत, कोनो दर्शन इत्यादि नई हैत। एकर निगरानी आ जागरूकता के लेल चौकीदार आ आंगनवाड़ी सेविका के लगाओल जाएत।
बिहार लोक सेवा अधिकार अधिनियम(RTPS) क अंतर्गत पंचायत भवन, प्रखंड सह अंचल कार्यालय, अनुमंडल कार्यालय आ जिला समाहरणालय क आर.टी.पी.एस.काउंटरों पर भौतिक(physically) रूप सँ आवेदन पत्र प्राप्त करबाक व्यवस्था दिनांक 31.03.2020 तक स्थगित रहत । एहि कार्यालय सब सँ आर.टी.पी.एस. क सेवा प्राप्त करबा लेल ऑनलाइन आवेदन करबाक आ ऑनलाइन प्रमाण पत्र डाउनलोड करबाक सुविधा पहिने जेंका जारी रहत ।
बिहार लोक शिकायत निवारण अधिकार अधिनियम (BRPGRA) क अंतर्गत अनुमंडल, जिला आ राज्य मुख्यालय क लोक शिकायत प्राप्ति काउंटरों पर भौतिक(physically) रूप सँ परिवाद/अपील/पुनरीक्षण आवेदन प्राप्त करबा क व्यवस्था दिनांक 31.03.2020 धरि स्थगित रहत। ऑनलाइन/मेल/कॉल सेन्टर क माध्यम सँ परिवाद/अपील/पुनरीक्षण आवेदन दायर करबाक व्यवस्था पहिने जेंका चालू राहत।
बिहार लोक शिकायत निवारण अधिकार अधिनियम क तहत दायर परिवाद, अपील आ पुनरीक्षण आवेदन पर लोक शिकायत निवारण पदाधिकारी, प्रथम एवं द्वितीय अपीलीय प्राधिकार आ पुनरीक्षण प्राधिकार क स्तर पर होई वाला सबटा सुनवाइ सेहो दिनांक 31.03.2020 धरि स्थगित रहत। निकटवर्ती सुनवाइ वाला पक्षकार कए ई स्थगनक सूचना दूरभाष सँ देल जाएत।
डी0आर0सी0 सी0 केंद्र आ रजिस्ट्री ऑफिस आ डी0टी0ओ0 कार्यालयों कए सेहो बंद कs देल गेल अछि । सब कर्मी कए एक दिनक अंतराल पर कार्यालय बजाओल जा रहल अछि। मधुबनी मेडिकल कॉलेज मे 100 बिस्तरक आइसोलेशन वार्ड बनाओल जा रहल अछि। एकर संगे सब अनुमंडल मे सेहो आइसोलेशन वार्ड बनाओल जाएत आ आन स्थान पर सेहो आइसोलेशन वार्ड बनाओल जाएत ।
जिलाधिकारी मधुबनी जिलावासी सँ अपील केलाह जे बेस जरुरी हेबाक स्थिति मे ही घर सँ बाहर निकलैथ। एक दोसर सँ एक मीटर की दुरी बना कs राखैत, संगे बेसी-स-बेसी साबुन आ हैण्डवास सँ लगभग एक मिनट धरि हाथ क सफाई करैत रहय । संगे कोनो तरहक सोशल मीडिया पर चलि रहल अफवाह पर ध्यान नहि देल जाए । वा अफवाह फैलायल जाए ।
