दरभंगा. नागरिक उड्यन मंत्री हरदीप सिंह पुरी आइ दरभंगा एयरपोर्ट क निर्माण कार्य क जायजा लेलथि. दोसर दिस स्पाइसजेट सेहो आइ अपन विमान कए दरभंगा क आसमान मे उडा एयरपोर्टक तैयारी क निरीक्षण केलक. 1963 क बाद इ पहिल अवसर छल जखन दरभंगाक आसमान मे कोनो यात्री विमान देखल गेल.
हवाई अड्डे क निरीक्षण केलाक बाद ओ अधिकारी बा संग एकटा समीक्षा बैसार सेहो केलथि. काज कए समय पर पूरा करबा लेल आवश्यक निर्देश सेहो देलथि. एहि दौरान केंद्रीय मंत्री पत्रकार स गप करैत कहला जे दरभंगा स नवम्बर क पहिल सप्ताह स उड़ान सेवा शुरू भ जायत. दरभंगा स प्रत्येक दिन दिल्ली, बेंगलुरु आ मुम्बई लेल फ्लाइट उड़ान भरत. नागरिक उड्डयन मंत्री कहला जे दरभंगा एयपोर्ट स उड़ान भरबा लेल 30 सितम्बर स हवाई टिकट क बुकिंग शुरू भ जायत आ नवम्बर क पहिल सप्ताह स एहि ठाम स उड़ान सेवा सेहो शुरू भ जायत. नागरिक उड्डयन मंत्री हरदीप सिंह पुरी समीक्षा बैसार मे अधिकारी सब कए कहला जे जल्द स जल्द दरभंगा स उड़ान सेवा शुरू भ जाये ताहि लेल बचल काज कए जल्द पूरा करू.
दोसर दिस मंत्री हवाई अड्डा क निरीक्षण कर रहल छलाह आ ठीक ओहि समय मे स्पाइस जेट क विमान सेहो हवाई रूट क सर्वेक्षण क रहल छल. हवा मे स्पाइस जेट क विमान चक्कर लगा रहल छल. मंत्री क संग एयरपोर्ट अथॉरिटी क सेहो अधिकारी मौजूद छलाह. ओतहि दरभंगा क जिला प्रशासन स लकए दरभंगा आ मधुबनी क सांसाद गोपाल जी ठाकुर आ अशोक यादव सेहो मौजूद छलाह.
हरदीप सिंह पुरी हवाई अड्डा टर्मिनल क निरीक्षण क दौरान घोषणा केलथि जे बिहार क महान पर्व छठ क अवसर पर मिथिला क लोक कए इ एकटा सनेस होएत. ओ कहला जे हवाई अड्डा क रनवे, ट्रर्मिनल एप्रोच रोड आ टर्मिनल क निर्माण कार्य क निरीक्षण स लगैत अछि जे आप एकर तारीखक विधिवत घोषणा कैल जा सकैत अछि.
दोसरसमाचार
निरीक्षण क दौरान उपस्थित डी.जी.एम. वीके चानना कहला जे ट्रर्मिनल क कार्य लगभग अंतिम चरण मे अिछ. हवाई अड्डा क अतिथि गृह मे आयोजित बैसार मे पावर प्वाइंट प्रजेनटेशन क माध्यम स डी.जी.एम. मंत्री कए बतेलाह जे 2590mx 45m क रेन-वे 15,000 स्कवायर फीट क ट्रर्मिनल भवन, दो B-737 जहाज लेल एप्रोन एरिया पर कार्य चल रहल अछि. ओ नक्शा क माध्यम स पूरा हवाई अड्डा क्षेत्र मे चल रहल कार्य स मंत्री एक अवगत करेलाह. ओ कहला जे 31 अक्टूबर 2020 तक हर हाल में इ सबटा काज पूरा क देल जायत.
