ताजमहल लेल जीएमआर स्पोर्ट्स आ आईटीसी अंतिम दौर क रेस मे ।
अजय धारी सिंह
मधुबनी । दिल्ली क लाल किला आब डालमिया क भ गेल। केंद्र सरकार क “एडॉप्ट ए हेरिटेज” योजना क तहत मुगल बादशाह शाहजहां क बनाओल लाल किला कए डालमिया ग्रुप गोद ल लेलक । देशक ऐतिहासिक धरोहर कए संवारवां क लेल डालमिया ग्रुप 25 करोड़ क बोली लगौलक। एहि तरहे ऐतिहासिक इमारत गोद लेनिहार भारत क ई पहिल कॉर्पोरेट हाउस बनि गेल । डालमिया ग्रुप क ई कॉन्ट्रैक्ट 5 साल लेल इंडिगो एयरलाइन्स आ जीएमआर ग्रुप कए हराक भेटल छल ।
लाल किला क बाद केंद्र सरकार क’ “एडॉप्ट ए हेरिटेज” योजना क तहत जल्दिए ताजमहल कए गोद लेबाक प्रक्रिया सेहो पूरा भ जाएत। ताजमहल लेल जीएमआर स्पोर्ट्स आ आईटीसी अंतिम दौर क रेस मे छथि । दरअसल सरकार क “एडॉप्ट ए हेरिटेज” स्कीम सितंबर 2017 मे लॉन्च कैल गेल रहय । देश भरि क 100 ऐतिहासिक स्मारक लेल ई स्कीम लागू कैल गेल रहय।
बैसाख मास स काज होएत शुरू
दोसरसमाचार
डालमिया ग्रुप संभवतः बैसाख मास सँ काज शुरू करत। सूत्र क हवाला सँ मीडिया मे जे खबैर आबि रहल अछि ओकरा सच मानल जाय त काज 23 मई सँ शुरू करबा क प्रक्रिया मे अछि । ओना 15 अगस्त कए प्रधानमंत्री नरेंद्र मोदी क भाषण सँ पहिने जुलाई मास मे डालमिया ग्रुप कए लालकिला फेर सँ सिक्योरिटी एजेंसी कए सौंपअ पड़त। अहाँक बता दी जे आजादी भेटला क बाद सँ हरेक साल स्वतंत्रता दिवस क मौका पर 15 अगस्त कए देश क प्रधानमंत्री लालकिला पर तिरंगा फहरा कए आजादी क जश्न मनबैत आबि रहल छथि । आ लालकिला क प्राचीर सँ सेहो ओहि दिन प्रधानमंत्री देश कए संबोधित करैत रहल छथि ।
लालकिला क कॉन्ट्रैक्ट क लए क डालमिया भारत ग्रुप, टूरिज्म मिनिस्ट्री आ आर्किलॉजिकल सर्वे ऑफ इंडिया क बीच 9 अप्रैले कए डील भ गेल छल। डालमिया ग्रुप क 6 मास मे शुद्ध पिबय बला पानि, स्ट्रीट लाइट आ फ़ूड कोर्ट सनक सुविधा देब परत। डालमिया भारत ग्रुप क सीईओ महेंद्र सिंधी कहलथि जे लाल किला मे 30 दिनक अंदर काज शुरू करा देल जाएत। ओ कहलैत जे शुरू मे हमरा सभ कए लालकिला 5 साल लेल भेटल अछि, कॉन्ट्रैक्ट क बाद मे बढ़ाओल जा सकैत अछि । हरेक पर्यटक हमरा लेल एक टा कस्टमर होएत आ एकरा ओहि तर्ज पर विकसित कैल जाएत । हमर सभहक प्रयास रहत जे पर्यटक एतय आबैत ओ एक्के बेर नहि आबय, ओ बेर-बेर आबय ।
धरोहर बचेबाक खातिर केंद्र सरकारक लिस्ट मे अनौपचारिक रूप सँ प्राप्त ख़बर क मोताबिक बिहार सँ नालंदा, राजगीर आ बोधगया भ सकैत अछि । मुदा मिथिलांचलक सैकड़ो धरोहरक प्रति जनता आ सरकार क तंद्रा कहिया टूटत ई देखबाक अछि ।
