दोसरसमाचार
रामबाबू
नयी दिल्ली। बिहारमे 47 सालक बाद नेशनल फुटबॉल चैंपियनशिप प्रतियोगिता केर आयोजन कएल जा रहल अछि। बेगूसरायमे 28 जनवरी सँ 2 फरवरी धरि फुटबॉल मैच खेलल जाएत। अहि मैचकें आकर्षक स्टार फुटबॉलर शुमार बाइचुंग भूटियाक उपस्थिति रहत।
यमुना भगत स्टेडियम संतोष ट्राफी जिलामे पहिल बेर आयोजित कएल जा रहल अछि। अहि टूर्नामेंटमे बिहार बंगाल, सिक्किम, छत्तीसगढ़ सँग अन्यान्य राज्यक टीम भाग लेत। जिला प्रशासन आऔर नेशनल फेडरेशन केर अधिकारी पहिनहि सँ मैदानमे पहुँच कS कैंप कS रहल अछि। जाहिसँ खेलाड़ी सभक सुख सुविधामे कोनो तरहक दिक्कति नहि होय।
एसडीओ डॉ निशांत केर कथन अछि की आॅल इंडिया फुटबाल फेडरेशन मैच केर आयोजनकें लेल बेगूसराय चुनल गेल अछि।1975 केर बाद पहिल बेर एतय संतोष ट्राॅफी केर आयोजन कएल जा रहल अछि। अहि आयोजनकेँ सफल संगहि खेलाड़ी सभक प्रोत्साहन करबा लेल बाइचुंग भूटिया केर उपस्थिति रहत।
ओतय सचिव केर कथ्य अछि की फुटबॉल मैच केर लSक लोकक बीच उत्साह देखल जा रहल अछि।मैच केर लेल तैयारी जबरदस्त चलि रहल अछि। खेलाड़ी सभक सुविधाक लेल सेहो व्यवस्था कएल जा रहल अछि
